Ал «сары аймаққа» Павлодар және Ақсу қалалары, Успен, Тереңкөл, Железин және Ертіс аудандары өтсе, «жасыл аймаққа» Ақтоғай, Павлодар, Май, Шарбақты аудандары енген.
Соңғы тәулікте індет жұқтырған 87 адам тіркелген (Павлодарда – 50, Екібастұзда – 15, Ақсуда – 6 адам), оның 85-і дерттің симптомдық түріне шалдыққан. Қазір облыс бойынша стационарда 731 адам емделуде.
– Жалпы, ауруханалардағы төсектік орындар саны 25 пайызға қысқартылды. Қазір 342 мыңнан астам адам 1 компонентпен егілсе, 317 мыңнан астам адам екі компонентті қабылдаған. Облысқа екі компонентті Pfizer вакцинасының 29 250 дозасы әкелінген. Бүгінде екпе алған 1 726 адамның 1 155-і – жасөспірім, 61-і – жүкті әйел, 510 әйелдің емізулі баласы бар. Облыста ревакциналау басталғалы 654 адам екпе алған, 58 жүкті әйел ем қабылдауда, 54 бала медициналық бақылауда, – деді облыстық денсаулық сақтау басқармасының бөлім басшысы Ерғалы Асылбек.
Облыс орталығындағы теміржол ауруханасындағы емдеу орындары жабылса, №3 қалалық ауруханада төсек саны азайтылды. Эпидемиологтардың бағалауы бойынша, өңірде сырқаттанудың апталық өсімі 22-28 қараша аралығында 684 жағдайды, 29 қараша мен 5 желтоқсан аралығында 596 жағдайды құраған. Облыстың вирусологиялық зертханалары соңғы тәулікте 616 ПТР тест өткізді, өңірде барлығы 855 310 зерттеу жүргізілді.
Бірақ мониторингтік топ карантин талаптарын бұзған нысандардың азаймай тұрғанын анықтауда. Мысалы 3-6 желтоқсан аралығында рейдтік іс-шаралармен 72 шағын және орта бизнес нысаны тексерілген.
Қалалық мәслихат депутаттары және Namys-PVL қоғамдық ұйымының өкілі Мансұр Белгібаевпен бірлескен мониторингтік топтың жұмысы жалғасуда. Нәтижесінде, облыс орталығындағы «Халыққа қызмет көрсету орталығы», «Сбербанк» АҚ, «Манақбай», «Отау» сауда үйлері, Royall hall мейрамханасы және басқа да нысандарда 12 шектеу шаралары тәртібін бұзушылық анықталды. Сонымен бірге індет кезінде әйелдерге қатысты құқық бұзушылық та байқалған. Успен ауданы әкімінің орынбасары Сәуле Жүніспаева ішкі істер, ішкі саясат, сондай-ақ әлеуметтік қорғау өкілдерінің қатысуымен зорлық-зомбылықтан әйелдер құқығын қорғау жөніндегі комиссияның отырысын өткізді. Аудандық ювеналды полицияның аға инспекторы Дамира Букаеваның айтуынша, іс-шара барысында әйелдерге қатысты қылмыстар мен құқық бұзушылықтардың, отбасындағы зорлық-зомбылықтың алдын алу мәселелері талқыланды. Өйткені індет тараған уақытта отбасында тыныштық, татулық аса қажет. Отбасындағы тыныштық – рухани ем, көңіл қуанышы, балалар үшін бақытты өмір сыйлайды.
Павлодар облысы
