08 Мамыр, 2010

“CHEVROLET CRUZE” КОНВЕЙЕРДЕН ШЫҚТЫ

471 рет
көрсетілді
2 мин
оқу үшін
Қазақстандағы тұңғыш автокө­лік­тер құрастыратын “Азия-Авто” зауы­ты 2003 жылы Елбасы Нұрсұлтан Назар­баев­тың қол­дауымен, инвестиция тарту нәтижесінде  ашылған еді. 7 жылдың ішін­де кәсіп­орыннан көліктердің “Volkswagen Group”, “General Motors”, “Renault-Nіssan-АвтоВАЗ” және “KІA Motors”, “Skoda” (Octavіa, Octavіa Tour, Su­perb), “Chevrolet” (Captіva, Epіca, La­cetttі), Lada 4x4 түрлері шығарылды. Үс­тіміздегі жылдың ІІ тоқсанынан бас­тап “KІA” Sorento, Mohave және Cerato түр­лері өз тұтынушыларына жол тартпақ. 6 мамыр күні көліктің жаңа түрі “Chevrolet Cruze-нің” тұсауы кесілді. Шығыс Қазақстан облысының әкімі Бердібек Сапарбаев жаңа көліктің шығуына байланысты салтанатты жиында сөз алды. – Біз ұзақ жылдардан бері “Азия Авто” зауытымен бірге ынтымақпен жұмыс істеп, қазақстандық көлік ин­дус­триясын дамытуға елеулі үлес қо­сып келе жатқан “General Motors” ком­паниясы басшыларына алғысы­мыз­ды айтамыз. Индустриялық-ин­новациялық даму бағдарламасына сәйкес Елбасы қолдау жасап, атал­мыш зауыттың дамуына мол қаржы бө­лініп отыр. Алдағы уақытта Қа­зақ­станның дербес автокөлік зауытын салу үшін Ертіс өзенінің сол жаға­лауынан 50 га жер бөліп бердік, – деді өңір басшысы. – Үш мемлекеттің Кеден ода­ғы­на енуіне байланысты кәсіпорынның жаңа көліктері Беларусь, Ресейге де жөнелтілмек. Жаңа маркалы көлік жанар­майды аз жағады. Онда жүр­гізу­ші үшін барлық жағдай жасалған. Кө­ліктің бағасы  16100 доллар шама­сын­да. Қазақстанның барлық облыс ор­та­лықтарында “Бипэк Автоның” көлік саудалайтын филиалдары жұ­мыс істеп тұр. Бұл жерден кез келген тұрғын өзіне қажет тұлпарды сатып ала алады, – деді “Азия Авто” АҚ президенті Ержан Мандиев. Оңдасын ЕЛУБАЙ. ӨСКЕМЕН.