Қазір «Павлодар мұнай-химия зауыты» ЖШС кәсіпорны тұрақты жұмыс ырғағында. Зауыт қазан айында технологиялық құрал-жабдықтардың жаңғыртылуына байланысты жұмысын уақытша тоқтатқан болатын. Күрделі жөндеу жұмыстарын жүргізу үшін қолайсыз ауа райы жағдайларына қарамастан, жоспарланған мерзімнен бұрын орындалғаны «ҚазМұнайГаз» АҚ тарапынан да хабарланды.

Ал күрделі жөндеу жұмыстары барысында барлығы 933 бірлік технологиялық құбырдың, 19 бірлік техникалық бу құбырдың және 300 бірлік құрал-жабдықтың техникалық куәландырылуы мен сараптамалары жүргізілген.
– Кәсіпорын мамандарымен мердігерлік ұйымдардың жұмысшылары жоғарыда аталған барлық шараларды орындап, зауытты мерзімінен бұрын іске қосуға мүмкіндік берді. Жөндеу кезінде атқарылған барлық жұмыс өндіріс қауіпсіздігін сақтауға, мұнай өнімдерінің сапасы мен барлық экологиялық көрсеткіштердің орындалуына әсер етеді, – делінген хабарламада.
Зауыттың бас директорының орынбасары Саятай Әліпбаевтың мәліметінше, қондырғылар тексеріліп, сынақтар өткізілген. Мұнайды қайта өңдеудің негізгі құрылғылары жөндеу жұмыстарын жаңбырсыз ауа райында жүргізуі керек. Кәсіпорын қорында 50 мың тоннадан астам бензин, 5 мың тоннадан астам әуе отыны мен 34 мың тоннадан астам дизель отыны бар. Зауыт күніне 4 мың тонна дизель отынын шығарады.
Мұнай өнімдерінің әртүрлі маркалы автокөлік бензині, дизельдік отын, реактивті отын, техникалық күкірт, битумның бірнеше түрі, мұнай коксы, техникалық көміртек өндіруге арналған шикізат қоры бар. Қазан айында зауыт 121 мың тонна мұнай, 31 мың тонна дизель жанармайын өндіреді. Зауытта тәулігіне 15 200 тонна мұнай өңделген. Бірақ зауыттың күрделі жөндеу жұмыстары кезінде ротор құрылғысынан ақау шығып, пайдалануға жарамай қалған. Сондықтан гидротазалау компрессоры роторын басқа бөлшекке ауыстыратын 5 ай уақыт ішінде дизель отынын тиісті көлемінен 20-40 мың тоннаға аз өндіреді.
Биыл дизель отынының тапшылығы жергілікті «Павлодар мұнай-химия зауыты» ЖШС жұмысының уақытша мерзімдік тоқтауымен қатар келді. Сондықтан ауыл шаруашылығы тауарларын өндірушілерге арзандатылған жанар-жағармай жеткізетін операторлар қызметінің бірыңғай жүйесін құру қажет.
Жалпы, мұнай өнімдерінің өндірісінен бастап оны сатылымға шығаруға дейінгі кезеңнің жұмысын реттеу үшін заңнамаға өзгерістер енгізілсе, жанармай тапшылығының алдын алуға мүмкіндік бермек.
Дәл осы мәселелер төңірегінде «Павлодар мұнай-химия зауыты» ЖШС-де Энергетика министрі Мағзұм Мырзағалиев, облыс әкімі Әбілқайыр Сқақов, «ҚазМұнайГаз» АҚ басшылығы мен отандық мұнай өңдеу зауыттары өкілдерінің қатысуымен өткен жиында айтылды.
– Елімізде шаруаларды арзан жанармаймен қамтитын операторларды анықтау, отынды егістіктерге дейін жеткізу қызметін бақылау бойынша бірыңғай ережелер қажет. Сондықтан өңірлік деңгейде жеткізушілерді іріктеу жүйесін құрдық. Енді бұл ережелер еліміз бойынша бірыңғай сипатқа ие болып, оны Энергетика министрлігі бекітуі тиіс деп есептейміз. Осы мәселе бойынша ұсыныстарды беруге де әзірміз, – деді облыс әкімі Әбілқайыр Сқақов.
Ал сұйытылған газбен қамтамасыз ету жүйесі биржалық тауарлардың қатарына енген. Соның салдарынан астықты кептіру қондырғыларында газды пайдаланатын өңір шаруалары отынсыз қалды. Сұйытылған газдың басым бөлігін өзге өңірлер сатып алған. Энергетика министрлігінен көмек сұраған соң Батыс Қазақстан облысындағы кендерден Павлодар облысына газдың қажетті көлемі жеткізілді.
Биыл облыста шөп шабу және астық жинау жұмыстарына 21 мың тонна арзандатылған жанар-жағармай бөлініп, нәтижесінде қажеттіліктің 80 пайызы өтелген.
Облыс әкімдігі Энергетика министрлігі мен «ҚазМұнайГаз» АҚ мұнайды өңдеу көлемі, Павлодар мұнай-химия зауытының технологиялық жабдықтарын жөндеу жұмыстарының мерзімдері туралы нақты деректерді уақтылы ұсынуды сұрайды. Сол кезде ғана әкімдік бюджетті тиімді жұмсау тетіктерін жоспарлай алады.
Облыс орталығы бюджеті кіріс бөлігінің 46 пайызы жанармай акциздерінен тұратынын назарға алсақ, тиісті органдардан дер кезінде берілетін ақпарат бюджеттің әлеуметтік міндеттемелерін орындау бойынша жоспарларды реттеуде аса маңызды.
Энергетика министрі Мағзұм Мырзағалиевтің мәліметінше, жанармай нарығындағы тұрақсыз жағдайдың орын алуына отандық кәсіпорындардың ішкі нарықты дизель және авиа отынмен қамтамасыз ету міндеттерін орындай алмауы себеп. Өйткені жөндеу жұмыстары тиімсіз жоспарланады.
Бұған дейін, «ҚазМұнайГаз» ұлттық компаниясы» АҚ елдегі дизель отыны тапшылығына байланысты «Павлодар мұнай-химия зауыты» ЖШС-нің жөндеу жұмысына өзгерістер енгізді. Ішкі нарықтағы отын тапшылығының алдын алу мақсатында жөндеу жұмыстарын күз айына шегеру туралы шешім қабылданған-ды. Биыл зауыттың жөндеу мерзімі бір емес, үш рет кейінге қалдырылғаны белгілі.
– Зауыттар өндірістік қуаттылықтарды жаңғыртқанына қарамастан, күтпеген уақытта жөндеуге тұрып қалады. Жыл сайын жанармайды тұтыну көлемі артып келеді. Яғни кәсіпорындардың қазіргі қолданыстағы жөндеу жұмыстарының мерзімі ескіргенін байқаймыз. Бір жыл ішінде еліміздегі бір мұнай зауыты ғана күрделі жөндеуге байланысты жұмысын уақытша тоқтата алады. Енді «ҚазМұнайГаз» АҚ басшылығы дизель отыны тапшылығына орай туындайтын жағдайларды ескеріп, алдағы 5 жылға арналған жаңа жоспар құруы тиіс, – деп тапсырма берді министр.
Облысқа сапары барысында онсыз да дизель отынының тапшылығы ушығып тұрған кезде мұнай өңдеу зауытынан ақау шыққанын естіген Энергетика министрі Мағзұм Мырзағалиев зауыт директорына сөгіс беруді ұсынды.
Жөндеу жұмыстары кезінде ақау шығып, дизель сұйық отын көлемі төмендей берсе, әрине, көктемгі дала жұмыстарын жүргізуге тиіс жанармайдың қорын қазір жасау қажет.
Біз бұған дейін жазған «Отынға зәрулік: баға қолжетімді, көлем жеткілікті ме?» деген мақаламызда елімізде жанармай құнының өсуі, дизель отынының тапшылығы орын алғанын жазған едік. Яғни күзгі жиын-теріннің аяқталуына, қысқа дайындық кезінде көмір мен шөптің қымбаттауына да дизель отынның жетіспеушілігі себеп дедік.
Жалпы, мұнай өнімінің маусымдық тапшылығы жыл сайын қайталанады. Көктемгі егін егу, астық жинау науқандары кезінде мұнай өңдеу зауыттары жөндеу жүргізуге тоқтайтыны тағы бар. Атырау, Шымкент, Павлодар мұнай өңдеу зауыттарының өндірістік қуаты жеткіліксіз, сондықтан төртінші зауыт салу керек деген жоба да алыстап кеткендей. Керісінше, қолданыстағы зауыттарға жаңғырту жұмыстарын жүргізу ғана жоспарлануда.
Ал мұнай-химия зауыттарының жаңғырту модернизациясы ішкі нарықты өніммен қамту үшін қажет екені түсінікті. Зауыттардың тұрақсыз жұмысы, күрделі жөндеу жұмыстарының сапасыздығы – бүкіл ішкі нарыққа кері әсерін тигізері анық.
Павлодар облысы
UFC: Қазақстандық Сергей Морозов жеңіске жетті
Спорт • Бүгін, 10:33
Өткен тәулікте 66 адам коронавирус жұқтырды
Коронавирус • Бүгін, 09:50
Бельгияда коронавирусқа қарсы екпе салу қайта басталмақ
Коронавирус • Бүгін, 09:05
Қазақстан мен Қытайда екі елдің Мәдениет орталықтары ашылады
Қазақстан • Кеше
Елордада жөндеу жұмыстарына байланысты жол жабылады
Елорда • Кеше
Польшада Қазақстанның Құрметті консулдығы ашылды
Әлем • Кеше
Ертең еліміздің басым бөлігінде аптап ыстық болады
Ауа райы • Кеше
БҚО-да көлде ағып кеткен бала үш күннен кейін табылды
Аймақтар • Кеше
Қанат Таймерденов жаңа қызметке тағайындалды
Тағайындау • Кеше
Үкімет басшысы қант бағасын реттеуді тапсырды
Үкімет • Кеше
ҰҚК Шекара қызметінің экс-басшысы қамауға алынды
Қоғам • Кеше
Президенттің БАҚ саласындағы сыйлықтары мен гранттары табысталды
Президент • Кеше
Президент АХҚО басқарушысы Қайрат Келімбетовті қабылдады
Президент • Кеше
Елімізде коронавирус жұқтырғандардың саны артты
Коронавирус • Кеше
Ақтөбе облысында 6 ірі су қоймасы салынады
Аймақтар • Кеше
Алматы әкімдігінің құрылымы өзгерді
Аймақтар • 24 Маусым, 2022
Абиба Әбужақынова «Grand Slam» турнирінде қола жүлде алды
Күрес • 24 Маусым, 2022
«AMANAT» – 2022 медиа сыйлығының жеңімпаздары анықталды
Қоғам • 24 Маусым, 2022
Оқиға • 24 Маусым, 2022
«Егемен Қазақстан» газетінің тілшісі AMANAT медиа сыйлығын иеленді
Егемен Қазақстан • 24 Маусым, 2022
«IQanat» қоры ауыл оқушыларының сапалы білім алуға қолжетімділігін арттырады
Білім • 24 Маусым, 2022
Мәдениет қызметкерлерінің жалақысы өседі
Қоғам • 24 Маусым, 2022
Тоқаев Си Цзиньпин ұсынған Жаһандық қауіпсіздік бастамаларын қолдады
Президент • 24 Маусым, 2022
Қасым-Жомарт Тоқаев инфляцияның өсуі өзекті мәселе екенін атап өтті
Президент • 24 Маусым, 2022
Әлемде азық-түлік мәселесіне қатысты жағдай күрделеніп кетті - Тоқаев
Президент • 24 Маусым, 2022
Қасым-Жомарт Тоқаев БРИКС+ ұйымының жаһандық даму жөніндегі диалогына қатысты
Президент • 24 Маусым, 2022
Ұлттық банк рубльдің нығаю себебін түсіндірді
Экономика • 24 Маусым, 2022
Қостанайда VII «Бұқаралық спорт Олимпиадасы» аяқталды
Спорт • 24 Маусым, 2022
Өзбекстан Түркі академиясы ұйымына бақылаушы мәртебесін алды
Қоғам • 24 Маусым, 2022
Мәулен Әшімбаев: Реформалардың басты мақсаты – әділетті Қазақстан құру
Парламент • 24 Маусым, 2022
Петропавлда Қазақстан полициясының құрдасы қызмет етеді
Аймақтар • 24 Маусым, 2022
Парламент • 24 Маусым, 2022
Америкада қоғамдық орында қару ұстауға рұқсат берілді
Әлем • 24 Маусым, 2022
Флоридада су астына сүңгу кезінде екі адам қайтыс болды
Әлем • 24 Маусым, 2022
ШҚО тұрғындарынан мина мен қару тәркіленді
Аймақтар • 24 Маусым, 2022
Бүгін әлемде 400 мыңға жуық адамнан коронавирус анықталды
Коронавирус • 24 Маусым, 2022
Президент ФИДЕ-нің ең жас чемпионы Малика Зиядинді құттықтады
Президент • 24 Маусым, 2022
Ұқсас жаңалықтар