«220 велосипед пен 21 Almaty Bike велостанциясы бұзылды. Оған қоса 170 велосипед ұрланған. Қазіргі уақытта ақпараттық жүйені қалпына келтіру және тексеру жұмыстары жүргізілуде. Халыққа қызмет көрсетуді жаңарту 20 қаңтарға дейін жоспарланған», деді Ғани Мырзаханов.
Ғани Мырзахановтың айтуынша, зақымданған велосипедтерді жөндеу және ұрланған велосипедтерді қалпына келтіру үшін қосымша 370 млн теңге бөлу мәселесі қаралып жатыр.
Сондай-ақ Алматыдағы жаппай ереуіл кезінде 28 автобусқа зақым келгені анықталған. Бүгінде барлық 151 бағыт және 1600 бірлік жылжымалы құрам, оның ішінде троллейбус және қала маңындағы бағыттар іске қосылды. Қалалық маршруттардың жұмыс тәртібі 8.00-ден 21.00-ге дейін, қала маңындағы маршруттарда 9.00-ден 21.00-ге дейін.
Сонымен қатар метро жұмысы қайта жанданды.
