Президент • 25 Қаңтар, 2022

Қасым-Жомарт Тоқаев «Орталық Азия – ҚХР» саммитіне қатысып жатыр

1007 рет
көрсетілді
1 мин
оқу үшін

Мемлекет басшысы Қасым-Жомарт Тоқаевтың қатысуымен «Орталық Азия – ҚХР» саммиті басталды, деп хабарлайды Egemen.kz.

Қасым-Жомарт Тоқаев «Орталық Азия – ҚХР» саммитіне қатысып жатыр


«Президент Қасым-Жомарт Тоқаев 25 қаңтарда дипломатиялық қатынастардың 30 жылдығына арналған «Орталық Азия – ҚХР» атты саммитке қатысады. Онлайн форматта өтетін жиынға Қытай тарапы бастамашы болды», деп жазған еді бұған дейін Президенттің баспасөз хатшысы Берік Уәли Facebook-парақшасында.

Оның атап өтуінше, көшбасшылар түрлі салалар бойынша Орталық Азия елдері мен Қытай арасындағы көпжақты стратегиялық ынтымақтастықтың даму перспективаларын талқылайды. Іс-шара қорытындысы бойынша дипломатиялық қатынастардың 30 жылдығына байланысты Бірлескен мәлімдеме қабылданады деп жоспарланған.

Саммитке ҚХР Төрағасы Си Цзиньпин, Өзбекстан Президенті Шавкат Мирзиёев, Қырғызстан Президенті Садыр Жаппаров, Түрікменстан Президенті Гурбангулы Бердімұхамедов, Тәжікстан Президенті Эмомали Рахмон қатысуда.