Таным • 09 Ақпан, 2022

Аш күзеннің ажалы

72 рет көрсетілді

Адам абайламаса өз құлқынының құдығына құлап өлуі аса қиын шаруа емес. Жалпы, пенде баласы қай кезде де ең бірінші өзіне жау ғой. Байқамаса аса білімнің өзі адамға хас дұшпан. Араныңның өзі өзіңе апан. 

Әрине, мұның бәріне мыңдаған мысал келтіріп, келістіре тарқатып айта беруге болады, дегенмен бұрын оқыған, бірақ қанша уақыт өтсе де әр кез жадымызда жаңғырып тұра беретін бір мысал есімізге тағы түсті. Тура қазіргі қоғамның тамырын тап басқан, осы кезеңде өмір сүріп жатқан әр адамның ішкі жарасын тырнап өтетін тамаша туындыны аруағыңнан айналайын Әле­кең, Әлихан Бөкейхан аударыпты. Эзоптан.

«Ұстаның дүкеніне күзен кіріп, егеуін тауып алып, жалап-жалап ал­ды. Тілінен қан ақты. Қан тәп-тәтті. Темірден шыққан қан ғой деп, кү­зен қуанып үсті-үстіне жалай бер­ді. Өстіп күзен тілінен айрылды». Біз кейде біреуді тонағанымызға, бі­реу­ді қанағанымызға қарық бола­мыз. Бірақ айналып келгенде өз-өзімізді тонап, өзімізді өзіміз әдейілеп әкеліп омақастыра орға жығып жатқа­ны­мызды аңдамаймыз.

Аш күзеннің ажалы аштықтан бол­ған жоқ, ол өз құлқынының құрды­мы­на құлады. Оған біржақты артар кінәміз де жоқ. Ол өз-өзін жемтікке айналдырған кішкентай жәндік, санасыз мақұлықат. Қарынының қамымен жүріп, нәпсісінің нән қақпанына оңбай түсті. Тәтті қанды талғамай жұтқан ашкөздігі ақыры өзінің соры болып шықты. Ал енді саналы адам деген әжептәуір әлеуметтік салмағы бар бізге не жорық?

Эзоп күзені біздің көз алдымызға көп кейіпкерді алып келер еді.

Соңғы жаңалықтар

Алматыда троллейбус өртенді

Оқиға • 24 Маусым, 2022

ТүркПА-ның атауы өзгереді

Парламент • 24 Маусым, 2022

Ұқсас жаңалықтар