Тиісті қаулыға облыстың бас мемлекеттік санитар дәрігері Юрий Залыгин қол қойды. Құжат 22 ақпанда күшіне енеді.
Ертеңнен бастап:
- Ashyq қосымшасында «жасыл» және «көк» мәртебесі бар тұлғалар сауда ойын-сауық орталықтарына, сауда үйлері мен желілерге, бассейндерге, ойын, түнгі клубтарға, караоке және басқа да бизнес объектілеріне әлеуметтік қашықтық пен маска режимін сақтай отырып, шектеусіз бара алады;
- көрмелер, марафондар, спорттық, салтанатты, естелік, отбасылық іс-шаралар, конференциялар, форумдар, ойын-сауық, ұжымдық дұға ету және адамдар көп жиналатын өзге де іс-шараларды ұйымдастыруға, өткізуге және баруға рұқсат етіледі;
- кинотеатрларда кинозалға тамақ пен сусын ішуге рұқсат етілген;
- балалардың ойын-сауық орталықтары, лотерея клубтары мен букмекерлік кеңселердің толымдылығы бойынша шектеулер алынып тасталды.
- ұйымдар мен кеңселердің офлайн режимде жұмыс істеуі үшін шектеулер алынып тасталды (қызметкерлерді COVID-19-ға қарсы вакцинациялау жағдайында қашықтан және бетпе-бет форматтағы қызметкерлердің пайыздық қатынасы бойынша талаптарды ескерместен жұмыс істеуге болады.
Бұл ретте соңғы 3 ай ішінде COVID -19-ға қарсы вакцинациялаудың толық курсын алған және COVID -19-бен ауырып жазылған барлық қызметкерлердің офлайн жұмыс істеуіне жол беріледі);
- егер екінші компонентті алғаннан кейін 6 айдан аспаса, ревакцинация немесе COVID-19-ға қарсы вакцинациялаудың толық курсын алған, елге келетін ҚР азаматтары үшін міндетті ПТР-тестілеу тоқтатылды;
- ПТР-тестсіз вакцинациялау паспорттарын өзара мойындайтын шет мемлекеттердің азаматтарына кіруге рұқсат етіледі;
- ауру белгілері болмаған жағдайда байланыста болған адамдарды үй карантиніне оқшаулау жойылды;
- балалардың ата-аналарына немесе заңды өкілдеріне білім беру ұйымдарының ғимаратына кіруге рұқсат етіледі.
Білім беру мекемелерінде COVID -19 топтық ауруын тіркеген кезде сыныптарға, топтарға және ағындарға үй карантині 10 күнге созылады. Бұл ретте карантинді енгізу бір сыныптағы (топтағы), бір ауысымдағы немесе бір ағындағы балалардың 30%-дан астамы дерт жұқтыруына байланысты болуы тиіс.
Балалар үй карантині аяқталғаннан кейін сабақтарға ПТР-тест тапсырусыз және анықтама ұсынусыз жіберіледі. Теміржол, теңіз, өзен көлігінде және автоөткізгіштерде Республиканың мемлекеттік шекарасы арқылы өткізу пункттері арқылы Қазақстанға келген барлық адамдар (Қазақстан Республикасының үкіметтік делегацияларын; локомотив бригадаларының мүшелерін; теміржол, теңіз және өзен көлігінде тасымалдау қызметімен байланысты адамдарды қоспағанда) термометриядан, сауалнамадан өтеді және ПТР әдісімен (қазақ, орыс немесе ағылшын тілдерінде) COVID-19-ға тесттен өткені туралы анықтаманы ұсынуға міндетті.
Анықтама ПТР әдісімен зерттеу үшін материалды Қазақстан мемлекеттік шекарасын кесіп өткен сәтте 72 сағаттан ерте емес уақытта өткен жағдайда жарамды; Еріп жүрушілерде анықтама болған кезде 5 жасқа дейінгі балаларға арналған анықтаманы ұсыну талап етілмейді; егер екінші компонентті алғаннан кейін Қазақстанның шекарасын кесіп өту сәтінде 6 айдан аспаған болса, Қазақстан Республикасында ревакцинацияны немесе COVID-19-ға қарсы вакцинациялаудың толық курсын алған адамдарға құжаттық растауды ұсынған кезде;
Қазақстан аумағында жарамды деп танылған, COVID-19-ға қарсы вакцинация туралы паспортты/сертификатты/анықтаманы ұсынған адамдарға. «Pfizer» вакцинасын келесі санаттағы азаматтарға қолдануға рұқсат етілген:
- мүмкіндігі шектеулі адамдар (барлық топтағы мүгедектер) мен 50 жастан асқан адамдардың ревакцинациялары;
- вакцинация:
- мүмкіндігі шектеулі адамдар (барлық топтағы мүгедектер);
- Қазақстаннан тыс жерде бірінші компонентті алған вакцинациялау курсын аяқтау үшін (екінші доза).
