Руханият • 09 Наурыз, 2022

Желтоқсан желі

106 рет көрсетілді

Қала тіршілігінің қым-қуыт сүргінінде адамдары ығы-жығы алып шаһардың қай жүргіншісіне назар аударғандайсың. Сапырылысқан қалың нөпірдің арасымен жылға-жылғаны қуалап жұмысқа келесің. Кешқұрым сол соқпақты солқылдатып үйге қайтасың.

Бірақ бір ырғақ, бір уақыт, жа­­қын-жақын орналасқан жұ­мыс орын­дары, ұқсас б­ағыттар әлгі қа­­ра­­құрым ха­лық­ты бір-бірімен жай­­лап жақын­дастыра бастайды. Тіпті кей адамдарды уақыт өте ке­ле, одан сайын тереңдеп тани түсесің.

Иә, ол жанды мен ғана емес, тұтас шаһар білетін. Білсе де білмегендей болатын. Оның кө­не­тоз қара сұр пальтосын, жал­­­б­ыраған шашын, қолынан тастамайтын қызыл орамалын, екінші қолындағы ауыр сөм­кесін, ащы дауысын ол қа­ла ешқашан жадынан өшіре алмас еді.

Ол тіпті шіліңгір шілденің өзінде сол қара сұр пальтосымен жүреді. Аяғында өкшесі әлдеқашан опырылып қалған жыртық қара етік. «Мен – жел­тоқ­саншымын!» дейді әне бір адамды тоқтатып! «Сонда көр­ген сұмдықтарымды айтайын ба?» дейді екіншісін жұл­қылап...

Бірақ оны тыңдауға ешкім­нің зауқы да, құлығы да, уақыты да жоқ. Ол өз әлемінде әлі жел­тоқсан көшелерімен кетіп бара жатқандай болатын. Оның тіпті шыжыған жазда да қалың пальто киіп жүруі желтоқ­сандағы аяз қарыған ақ түтек, қызыл қа­сап­ты елестетер еді. Ол адам үшін уақыт сол 17-ші желтоқ­сан­да әлдеқашан тоқтап қалған сияқ­ты. 1986 жылғы 17-ші желтоқсанда...

Ол тіпті біздің отыз жыл бұ­рын Тәуелсіздік алып, егемен ел атанғанымызды да білмеуі мүмкін. Ол сол азат мерекені өзі алып бергенінен де бейхабар болуы ғажап емес.

Қоғам тарихты теледидардан берілген, газет-журналдарға шыққан, ресми тұлғалар мә­лімдеген ақ-қарасы толық анықталмаған ақиқат арқылы ғана тани салғысы келіп тұрады. Қоғам қара сұр пальтолы әйелді ешқашан танығысы келмес еді. Себебі ол бар шындықты айта салуы мүмкін. Біз бәлкім толық ақиқатты білуге қорқамыз. Кім біледі, мүмкін әлі де дайын емес­піз. Ол әйелді сондықтан да елемей өте салғанды жеңіл көреміз.

Соңғы жаңалықтар

Ақжайнақ астана

Елорда • Кеше

Димаш пен Джексон

Өнер • Кеше

Ұқсас жаңалықтар