Аймақтар • 29 Сәуір, 2022

Алматы әуежайындағы кемшіліктер жойылмай отыр – ИИДМ

26 рет көрсетілді

Индустрия және инфрақұрылымдық даму министрлігі көліктегі оқиғалар мен инциденттерді тексеру департаментінің директоры Болат Наурызәлиев Алматы әуежайы 3 жылдан бері мамандар ескерткен кемшіліктерді жоймай отырғанын мәлім етті, деп хабарлайды Egemen.kz.

«Біздің департамент авиациялық оқиғалардың себептерін анықтайды. Азаматтық авиация халықаралық ұйымының стандарттары мен ұсынымдары бойынша есеп әзірленді. Жүргізілген тергеу аталған есеп бойынша әлдебіреудің кінәсін немесе жауапкершілігін анықтауды көздемейді», деді департамент басшысы.

Бұған дейін жарияланған тергеу есебіне сүйенген журналистер бұл оқиғада әуежай әкімшілігінің кінәсі бар-жоғын сұрады.

«Есепте бәрі айқын көрсетілген. Әуежай тарапына қандай ескертуіміз бар дегенге келсек, біздің тұжырымдар мен ұсынымдар бойынша авиация әкімшілігі көрсетілген кемшіліктерді жою үшін әуежайға шара қабылдауы керек. Біз берген ұсынымдарда бүкіл кемшіліктер мен ескертулер көрсетілген. Біз тек тергеумен айналысамыз, авиациялық оқиғалардың себептерін анықтаймыз. Мұндай жағдайлар қайталанбас үшін ұсыным береміз. Авиация ұйымы әуежайға қатысты бірнеше тексеру жүргізді. Әуежай үш жылдан бері жоймай келе жатқан кемшіліктер бар. Тіпті жоюға тырыспайды да. Ішкі істер министрлігі, көлік прокуратурасы, авиация әкімшілігі шара қолданады», деп қосты Болат Наурызәлиев.

Соңғы жаңалықтар

Алматы маңында жер сілкінді

Аймақтар • Бүгін, 16:18

Доллар 9 теңгеге арзандады

Қаржы • Бүгін, 16:10

Ұқсас жаңалықтар