“МЕН ДАЛАНЫҢ ҚЫЗЫМЫН”

Астанадағы Конгресс-Холлда Қазақ­стан­ның еңбек сіңірген әртісі Бағдат Сәмедино­ва­ның “Мен дала­ның қы­зымын” атты концерті болып өтті. Онда Ұлжан Айнақұлова се­кіл­ді белгілі әншілермен бірге оның шәкірттері де өнер көрсетті.Шығармашылық есеп беру кон­­цертінің алдында әнші БАҚ өкіл­дерімен баспасөз мәслихатын өткіз­ген болатын. Онда Б. Сәме­динова бұған дейін Астана қала­лық филар­мониясы халық аспап­тар оркестрі­нің сүйемел­деуімен жеке концерт бер­ген­дігін, сондай-ақ жақында ғана Қытайда ашыл­ған “ЭКСПО-2010” көрме­сінде бо­лып қайтқанды­ғын, түрлі мәде­ни шара­ларға атса­лысып келе жат­қан­дығын тілге тиек етті. Бұл кон­церттік бағ­­дарла­мамды да­йын­даға­н­ыма бірнеше жыл болды. Жы­лына екі концерт беру­ден аулақ­пын. Себебі, бұл есеп беру кон­цер­­ті бол­ған­дық­тан, бұл шарада бірнеше жыл­дық еңбегің көрінуі қажет. Осы жолғы бағдарла­мамда өзімнің бетке ұстар әніме айналған “Сарыарқа” қайта өңделіп, жаңа­дан жазылды. Сон­дай-ақ “Өз елім” әнін де айтуға бо­ла­­ды. Жал­пы орында­латын ән­дер­­дің барлы­ғы да жаңа әндер. Кеш барысында менің ре­пер­­туа­рым­да басты орын алатын халық ән­дері де орында­ла­ды, деген бола­тын. Бағдат Сәме­ди­но­ваның ай­туынша, шығар­ма­шы­лық кешінде айтылған халық әндері қазақылық қаймағы бұзыл­маған Қытай, Моң­ғо­лия елдерінде тұратын қан­дас­тары­мызда сақтал­ған қазақтың халық әндерінен іріктелініп алы­ныпты. Менің репертуарымда пат­риот­тық әндер де жеткілікті. Кон­церттің атының өзі “Мен дала­ның қызымын” деп аталуы да сондық­тан деді ол. Отыз жылдан астам кие­лі сахнада ұлт­тық мә­нерлі дауы­сымен, өзіндік қолтаң­­басымен үлес қосып жүрген Б.Сә­ме­динова­ның кешінің “Мен даланың қызымын” деп аталуы­ның да өзіндік себебі бар екен. Қазақ­тың белгілі ақын қызы Күләш Ахметова осы аттас өлеңін оқығанда әншіге осы­нау жыр жолдары ой салған көрінеді. Әншінің сезім қылын шертіп, бойдағы намысыңды жанып, рухың­ды оятар шымыр әндер легі екі сағатқа жуық толас­тамады. Осы­лайша өз еңбегіне, құдай бер­ген дауысына ғана сене­тін сүйікті әншіміздің шы­ғар­машылық кеші бұған дейінгі концерттері секілді табысты өтті. Венера ТҮГЕЛБАЙ.