БІЛІМ БЕРУ ЖӘНЕ ӘЛЕМДІК ӘДІС-ТӘСІЛДЕР

Талдықорған қаласында І.Жан­­­сүгіров атындағы Жетісу мем­лекеттік университетінде “Болон процесіндегі академиялық ұтқыр­лық” деген атпен халықара­лық жиын өтті. Халықаралық семинарды Бі­лім және ғылым министрлігі ұйым­дас­тырып, оның жұмысына аталған ми­­нистрліктің, Ұлттық аккредита­циялау орталығының, квалифика­ция тағайындау жөнін­дегі рес­публикалық ғылыми-әдіс­темелік орталықтың және шетелдік оқу орындарының ректор­лары мен оқытушылары қатысып, саладағы беделді қадр даярлау мен білім сапасының жоғары стан­дарт­тарына жету жөніндегі ойлары мен тәжіри­белерін ортаға салды. Пленарлық мәжілістегі “Ака­де­­миялық ұтқырлық жоғары білім сапасын қамтамасыз етудің ма­ңыз­­ды факторы” деген тақырып­та баяндама жасаған Білім және ғылым министрі Жансейіт Түйме­баев Болон процесіне қатысушы елдердің қатарына қабылдану еліміз үшін маңызды шара екен­дігіне баса назар аударды. Білім саласының мамандары бас қосқан жиында облыс әкімі Серік Үмбетов сөз сөйлеп, жиын жұмы­сына сәттілік тіледі. Жалпы жоғары білім сапасын арттыруға және еліміздегі оқу орны түлек­тері­­н­ің халықаралық еңбек нары­ғындағы бәсекеге қабі­летті­лігін дамытуға септігін тигізетін ұлы Хар­тияға қол қойған білім орда­ла­ры­­ның қатарына Жетісу мемле­кет­тік университетінің қосы­луы да айту­лы қуаныш десек, осы оқу орнының ректоры Әбдіманап Бек­тұрғанов әлемдік білім кеңіс­ті­гіне жол ашатын Болон декла­ра­циясы ұжымға зор міндеттер жүк­тейтін­дігін атап өтті. Бұл қа­зақ­стандық және шетелдік жоға­ры оқу орын­дарының сту­дент­тері мен оқы­­ту­­шы­ларына академия­лық ұтқыр­лық­ты одан әрі дамы­ту­­дағы ұйымдас­тырушылық кеңес беру мен қол­дау­ға бағытталған­дығын ортаға салды. Жиын жұмысына универси­тет­­тер Ұлы хартиясы обсерва­тория­сы­ның бас хатшысы Бас­тиан Бау­ма­нн (Ита­лия), Еуропа­лық сту­дент­тер ода­ғы комитетінің үйлестіру­шісі Берт Ван­­денкен­деларэ (Бель­гия), АСQUІN ак­кредитация­лау агент­тігі­нің төр­ағасы Циммерман Герд Карл Вальтер, АСQUІN ак­кре­дита­циялау агенттігі­нің менед­жер­лері Магда­лена Либ және Бар­бара Райт­майер, сауда па­ла­тасы­­ның төр­ағасы Фель­нер Ха­ральд Карл (Гер­ма­ния), Болон уни­вер­ситеті­нің профессоры Масси­мо Биан­ки, Батыс Англия универси­теті­нің халық­аралық даму жөнін­дегі үй­лес­тірушісі Алекс Грин, Батыс Анг­лия университе­тінің про­фессоры Оле­на Дорен, Батыс Анг­лия универ­ситетінің қолдан­балы ғы­лымының жетекшісі Питер Спенсер Филипс (Ұлы­­бри­тания), Сібір Феде­­ралды уни­­­вер­­­ситетінің еуропа­лық бағ­­­­­да­р­­­­­­ла­­­ма­­­лар жөнін­дегі же­тек­шісі Л.Ма­йорова (Ре­сей) атса­лы­сып, бүгінгі жаһан­дану кезіндегі жоғары кәсіби білім дең­гейін көтеру жө­ніндегі тәжіри­бе­лері­мен бөлісіп, мақсат-мүдде­лерін анықтады. Үш күнге созылған мәсли­хатқа қа­тыс­қан қазақстандық және ше­тел­­дік ғалымдар бәсекеге қабілетті білім берудің әлемдік әдіс-тәсілін қа­рас­тырып, тәжіри­белерімен бөлісті. Күмісжан БАЙЖАН, Алматы облысы.