«Менің білуімше, қазір «Намыс» партиясын тіркеу мәселесі қарастырылып жатыр. Қазір тіркелген 6 партия бар. Тағы бірнеше партияны тіркеу жұмыстары 2019 жылы басталғанын білесіздер. Бірақ құжаттарындағы кейбір сәйкессіздіктерге байланысты оларды тіркеу жұмыстары тоқтатылған еді», деді министрдің орынбасары.
Сондай-ақ ол Елбасы туралы Конституциялық заң күшін жойса, Презиент туралы Конституциялық заң экс-президент Нұрсұлтан Назарбаевқа тиісті кепілдіктер беретінін айтты.
«Бүкіл экс-президенттерді қамтитын норма тиісті Конституциялық заңда бар. Елбасы туралы заң жобасы жойылса да, бізде Президент туралы Конституциялық заң жобасында тиісті кепілдіктерді қамтитын нормалар бар», деді Алма Мұқанова.
