Парламент • 23 Маусым, 2022

Сенатор: Пайдаланылмаған аңшылық алқаптарды мемлекетке қайтаруды заң жүзінде реттеу маңызды

11 рет көрсетілді

Мал өсірушілер аңшылық шаруашылықтарына жер тым көп берілді деп санайды, фермерлерге сондықтан жайылым жетіспейді. Сенат депутаты Жанболат Жөргенбаев өзінің депутаттық сауалында Алматы және Жетісу облыстары тұрғындарының проблемалық мәселелері туралы жан-жақты айтып берді, деп жазады Egemen.kz.

Сенатордың келтірген деректер бойынша, аталған аймақтардың аумағында 132 аңшылық алқап бар, олардың жерінің жалпы көлемі 5,0 млн гектарды құрайды. Сонымен қатар, өңірде жайылымдық жерлердің тапшылығы да байқалып отыр. Дәл осы кезде малшылардың өз малдарын жаятын жері жоқ.

«Қолданымдағы заңдарға сәйкес, аңшылық алқаптар 10 49 жылға дейін аңшылық шаруашылықтарға уақытша  жер пайдалану құқығымен беріледі (мемлекеттік орман алқаптарына орналасқан жерлер - жанама орман пайдалану құқығымен).  Бұндай  алқаптарды аңшылық мақсатқа пайдалану, аң өсіруді қоспағанда, негізінен маусымдық сипатта. Бұл ретте, осындай алқаптарды пайдаланбағаны үшін мемлекетке қайтарып алу тиісті  заңнамаларда реттелмеуіне байланысты,  ондай жұмыстарды жүргізу мүмкін болмай отыр», деді сенатор Жанболат Жөргенбаев.

Депутат сонымен қатар кейбір аң аулау шаруашылықтары жеке адамдардың немесе шағын топтардың мүддесі үшін ғана пайдаланылатынын, сондықтан мұндай аң аулау серуендерінің үлкен әлеуметтік және экономикалық маңызы жоқ екенін атап өтті. Әсіресе, мал жаюға арналған жайылымдар тапшы болып отырған кезде оның қисыны да жоқ.

Жанболат Жоргенбаев осыған байланысты игерілмеген немесе пайдаланылмайтын жерлерді тексеріп, түгендеуді, аң аулауға арналған жерлерді бекіту кезінде жергілікті халықтың мал жаю немесе шөп шабу қажеттілігін ескеруді, сондай-ақ аңшылық шаруашылықтарын олардың жер пайдалануындағы су көздерін тазартуды және аумақты өрттен қорғауды міндеттеуді ұсынды.

Соңғы жаңалықтар

Алдағы күндері күн суытады

Ауа райы • Бүгін, 11:55

Уақытпен бірге түлеген

Әдебиет • Бүгін, 08:33

Баладан қашқан безбүйрек

Қоғам • Бүгін, 08:31

Студенттер ара бағып жүр

Білім • Бүгін, 08:28

Маса мазаны ала бастады

Аймақтар • Бүгін, 08:27

Қалыпты ұйқы – қуат көзі

Қоғам • Бүгін, 08:26

Берешек – 24,3 млрд теңге

Экономика • Бүгін, 08:24

Ұқсас жаңалықтар