Қоғам • 16 Тамыз, 2022

Технопарк тегін оқытады

34 рет көрсетілді

Astana Hub технопаркі IT саласында карьераны жоспарлауға бағытталған Beta Career бағдарламасының жаңа легін іске қоспақ. Қатысушылар бағдарлама бойынша тегін оқиды.

Бүгінгі таңда Қазақстан мен ТМД елдерінен 1 500-ге жуық адам табыс­ты жұмысқа орналасу үшін оқудан өтіп, өз дағдыларын шыңдаған. Beta Career бағдарламасының түлектері ірі IT компанияларда, соның ішінде АҚШ, Малайзия және басқа да елдерде жұмыс тапқан. Кейбірі қажетті тағылымдамадан өтті.

– IT мамандардың көпшілігі карьераны қалай тиімді құру керектігін дұрыс түсінбегендіктен, істеп жатқан жұмысына, мансаптық өспеуіне қа­нағаттанбайды. Дені сұранысқа ие бағыттарды білмейді. Бірақ табысқа жету үшін кешенді жоспар құру қажет. Мысалы, қазір Go, Java, сондай-ақ Data Science мамандары мен DevOps инженерлері сұранысқа ие. Біздің міндетіміз – қажетті, ең бастысы, қа­лаған жұмысты табуға көмектесетін негізгі дағдыларды үйрету, – дейді Astana Hub-тың экспорт және даму жөніндегі басқарушы директоры Абай Әбсамет.

Beta Career – мансап құру процесі туралы бірегей түсінік беретін ке­шенді онлайн-курс. Бағдарламаға IT саласындағы студенттер мен түлек­тер қатыса алады. Оқыту бейне дә­ріс­терден, практикалық вебинарлар­дан, сарапшылармен тестілік сұхбаттар­дан, трекерлермен кездесулер мен кеңестерден, сондай-ақ онлайн бос орын­дар жәрмеңкесінен тұрады.

Оқыту нәтижелері бойынша бағ­дарлама қатысушылары IT-ком­па­нияда жұмысқа орналасу үшін тиімді түйіндеме жасауды және оларға ілеспе хаттар жазуды үйренеді, тұлғааралық қарым-қатынас дағдыларын дамытады, IT салада қандай мамандықтар сұ­ранысқа ие екенін біліп, үздік компанияларда қажетті жұмыс табуға мүм­кіндік алады.

Бағдарламаның жаңа легі 22 тамызда басталады. Қатысуға өтінімдер 19 та­­мызға дейін қабылданады.

Соңғы жаңалықтар

Екінші орынға табан тіреді

Спорт • Бүгін, 07:32

Овертаймда жеңді

Хоккей • Бүгін, 07:30

Өзбекстаннан басым түсті

Спорт • Бүгін, 07:28

Шерағаң – сахна төрінде

Театр • Бүгін, 07:27

Көңіл арбаған кеңістік

Әдебиет • Бүгін, 07:23

Ұстаздар ұлықталған күн

Білім • Бүгін, 07:20

Жастар – табиғат қамқоршысы

Экология • Бүгін, 07:17

Қырыққабаттан тарықпайды

Экономика • Бүгін, 07:10

Елшімен кездесті

Қазақстан • Бүгін, 07:00

Мұхтар мен Қайым

Қазақстан • Кеше

Елде қылмыс азайған

Қоғам • Кеше

Ақаң және қазақ радиоcы

Ахмет Байтұрсынұлы • Кеше

Рухты жырдың иесі

Әдебиет • Кеше

Ұқсас жаңалықтар