Шолуда өңірдегі экономикалық дамудың көп қырлы бағытын атап өтеді. Жарты жылдың қорытындысы бойынша Ресей мен Белоруссияда құлдырау (0,5 пайыз және 4,2 пайыз) байқалады. Ал өзге қатысушы-елдердегі ішкі жалпы өнім сенімді түрде жоғарылаған. Атап айтсақ, Арменияда – 11,8, Қазақстанда – 3,4, Қырғызстанда – 6,3, Тәжікстанда – 7,4 пайыз.
ЕАДБ аналитиктерінің пікіріне қарағанда, 2022 жылдың қорытындысы бойынша экономикалық көрсеткіштер бірқатар елде болжамнан да жақсырақ болып шығады.
«Бұған, атап айтқанда, енгізілген шектеулерге бейімделудің айтарлықтай жоғары қарқыны және мұнай өндірудегі санкциялардың кешіктірілген сипаты ықпал етеді. Өңірдің экономикасын қолдауға билік шаралары да әсерін тигізіп жатыр. Дегенмен екінші жартыжылдықтағы экономикалық динамикаға сыртқы конъюнктураның нашарлауы айтарлықтай әсер етуі мүмкін. Еуроаймақ пен АҚШ-та рецессия ықтималдығы жоғары. Ол рецессия тым терең болмайды деп күтіледі. Дегенмен бұл жағдай аймақ елдерінің экспорттық тауарларына әлемдік экономикадағы сұранысқа кері әсерін тигізеді», дейді сарапшылар.
Банк шолуында маусым мен шілдеде рубльдің айтарлықтай нығаюы болғанын, бірақ сол нығаюдың артта қалғанын мәлімдейді. Алдыңғы макроэкономикалық шолуда ЕАДБ сарапшылары рубльдің мұндай нығаюы Ресей экономикасы үшін жағымсыз факторға айналуы мүмкін екенін көрсететін есептеулерге сілтеме жасаған.
Сарапшылардың айтуынша, рубль екінші жартыжылдықта бюджет пен экспорттаушылар үшін қолайлы деңгейге көшеді. Бұл қозғалыстың қарқындылығы ең алдымен импортқа сұраныстың қалпына келуіне байланысты болмақ.
Қазір Қазақстанның айырбастау бекеттерінде 1 рубль 7,9 теңгеден саудаланып жатыр.
