Ізгіліктің алғашқы қадамы

Аталған форум бір аптаға созылады және Түркістандағы іс-шараға Қырғызстан мен Өз­бекстаннан еріктілер келсе, дәл осы күні Бурабай ұлттық пар­кін­де өткен форумның ашылуына Тәжікстан мен Түрікменстан өкілдері қатысты. Форумның бі­рінші күні «Әлемдік кафе» фор­­матындағы стратегиялық сессия­лар, білім беру, экология, медицина, жұмысқа орналастыру, инклюзия, бұқаралық спорт, этно-еріктілік және басқа бағыттар бо­йынша нақты кейстері бар ойын форматындағы воркшоптар өтті. Ақтөбе, Алматы, Аты­рау, Батыс Қазақстан, Жамбыл, Қы­зылорда, Маңғыстау, Түр­кіс­тан, Жетісу облыстары, Шым­кент қаласы, Қырғызстан және Өз­бекстан елдерінен 200-ден ас­там адам қатысқан іс-шарада Ақ­парат және қоғамдық даму министрлігінің Азаматтық қоғам істері комитеті төрағасының орынбасары Гүлбара Бекетқызы құттықтау сөз сөйлеп, еліміздегі волонтерліктің дамуы туралы баяндады. «Қазақстан азаматта­ры еліміздің қайырымдылық және әлеуметтік өміріне белсенді қа­тысуда. Бұған спорт жарыс­тарын, қайырымдылық марафондарын, қиын емделетін ауру­лары бар балаларды қолдау бағ­дарламаларын, балалар үйлері мен онкологиялық бөлімшелерде іске асырылып жатқан жобаларды ұйымдастыруға және өткізуге қа­тысатын волонтерлердің сан­дық көрсеткіштері дәлел бола алады. Мүмкін, бұл қазақстандық мен­талитеттің ерекшеліктеріне байланысты шығар. Тарихи тұр­ғыдан алғанда, ел тұрғындары үшін ерікті көмектің негізі топтық қолдаудың әртүрлі нысандары немесе асар болды. Өткен жыл­дың өзінде Birgemiz жобасына қиын өмірлік жағдайларда балалар мен жастарды қолдау, меди­циналық, экологиялық во­лон­терлік, материалдық және рухани мәдени-тарихи мұра­ны сақтау, жануарларды қор­ғау бойынша волонтерлік, әлеу­мет­тік, төтенше жағдайлар сала­сын­дағы волонтерлік және он­лайн-волонтерлік салала­рында 70 мың­нан астам ерікті қатысты. Аталған саланы тұрақты дамыту үшін біз 2021-2023 жыл­дарға арналған волонтерлікті дамытудың Жол картасын әзір­ледік, ол елеулі шаралар кешенін қамтиды», деп атап өтті Гүлбара Сұлтанова.

Сондай-ақ спикер қазіргі уа­қытта мемлекеттік органдар мен волонтерлік қозғалыс ұйым­дас­тырушыларының арасындағы өзара іс-қимылдың заманауи жү­йесін құру бойынша жұмыс жүргізіліп жатқанын және бұл қызмет волонтерлікті қолдау стандартына негізделетінін айтты. «Біз волонтерлердің бірігуі барлық қолданыстағы жобаларды қалың жұртшылыққа көрсетеді және бұл жаңа волонтерлік бас­тамаларға серпін береді деп үміт­тенеміз. Оған мұқтаж адам­дардың барлығын қолдауға көмектесетін жаңа инновациялық тәсілдерді пайдаланамыз. Бұл көп жылдар бойы волонтерліктің түрлі бағыттарында жұмыс істеп келе жатқан барлық адамдар үшін үлкен жеңіс деп санаймын», деп атап өтті АҚДМ Азаматтық қоғам істері комитеті төрағасының орын­басары.

Өткен жылы волон­терлік қызметпен айналысатын азаматтар мен ұйымдар саны артып, іске асырылып жатқан во­лонтерлік бағдарламалар мен жобалар ауқымы кеңейді. Нақтырақ айтқанда, волонтерлік ұйымдар мен топтардың саны 3 есеге ұл­ғайып, бүгінгі күні олардың саны 600-ден асады. Ал тұрақты волонтерлер саны 4 есеге артты, бұл 200 мыңнан астам адамды құрайды. Сондай-ақ 1,5 миллионнан астам азамат көмек алды.

Форумның ашылуына қа­тысқан Түркістан облысы Қоғам­дық даму басқармасының басшысы Аңсар Өсербаев волонтерлік ізгіліктің алғашқы қадамы екенін айтып өтті. Сондай-ақ іс-шара барысында елімізде әлеуметтік, оқиғалық және эко-волонтерлік қарқынды дамып келе жатқаны айтылды. Коронавирус өршіп, республика бойынша пандемия болған кезде елімізде еріктілердің белсенділігі артқаны мәлім. Бар­лық өңірдің белсенді азамат­тары әлеуметтік жағдайы төмен от­басыларға, ардагерлерге азық-түлік себетін тасумен, оны сұ­рыптаумен, call-орталықтарда же­дел ақпарат берумен, мұқтаж отбасылардың тізімін жасаумен айналысты, бұдан басқа да көптеген іс-шара атқарды. Пандемия кезінде онлайн, медициналық және Pro-bono бағыттары жақсы дамыды. Түркістан облысында 10 мыңнан астам волонтер бар. Өңірдің ерікті жастары қоғамдық өмірдің барлық саласына белсене араласады. Аудан, қалалардағы жастар ресурстық орталықтары көптеген іс-шараларға бастамашысы болып отыр. Еріктілер Bilim, Qamqor, Úmit, Sabaqtastyq, Taza Álem және Saulyq атты бірнеше салалық бағыттар бо­йын­ша жұмыс істейді. Рухани, мәдени-тарихи мұраларды сақтау жұмыстарына еріктілерді тарту бағытында құрылған «Асыл Мұра» жобасы да жүзеге асырылды. Арыс қаласында 2019 жыл­дың маусымында оқ-дәрі қой­масында болған жарылыс ке­зінде еріктілердің көмегі көп тиді. Төтенше жағдай кезінде же­дел топпен бірге мыңнан ас­там жедел волонтер жасағы құ­рыл­ды. Олар халыққа алғашқы кө­мек көрсетіп, құжаттарды жи­нау және жапа шеккендерді кө­шіріп, азық-түлікпен қам­та­масыз ету жұмыстарымен айна­лысты. Мақтааралдағы су тас­қы­ны кезінде де Түркістан облы­сының еріктілері тынымсыз кө­мек көрсетті. Пандемия уа­қы­тында волонтерлер тобымен ме­ди­циналық маскалар таратып, індеттің алдын алу іс-шаралары бойынша түсіндіру жұмыстарын жүргізді.

Форумның екінші күні, қа­тысушылар «Өз жобаңмен/идеяң­­мен бөліс» ашық микро­фон кезінде өңірлердегі во­лон­терлік жобалар туралы айтып берді. Осылайша, олар өз­ара ын­­тымақтастыққа, жаңа бір­лес­­кен жобаларды құруға және халықаралық деңгейге шы­ғуға мүмкіндік алды. Форум барысында 4 бағыт бойынша во­лон­терлік акциялар өтеді. Айта ке­телік, форумның тең ұйым­дас­тырушысы – Ұлттық волон­тер­лер желісі және Біріккен Ұлт­тар ұйымының еріктілері.

Түркістан