Қазақстан • 16 Наурыз, 2023

Жер қойнауын пайдалану платформасы

367 рет
көрсетілді
2 мин
оқу үшін

Мемлекет басшысының тапсырмасына сәйкес, елімізде Minerals.gov.kz жер қойнауын пайдалану платформасы әзірленді. Оны Цифрлық даму, инновациялар және аэроғарыш өнеркәсібі министрлігінің бастамасымен «Қазақстан ғарыш сапары» ұлттық компаниясы және Индустрия және инфрақұрылымдық даму министрлігі дайындады.

Жер қойнауын пайдалану платформасы

Платформа геологиялық ақпаратқа қол жет­кізу­ді қамтамасыз етуге, лицензиялық учас­­ке­лер­ді бөлуге, сондай-ақ жер қойнауын пай­да­­ла­нушылардың есептілігі мен қызметінің мо­­ни­­торингін қалыптастыруға арналған.

Бұрын геологиялық есептерді зерттеуден бастап лицензия алуға және жыл сайынғы есептерді ұсынуға дейінгі барлық үдеріс қағаз жүзінде жүргізілді. Сонымен қатар оны тексеру үшін деректердің жеткіліксіздігіне байланыс­ты бірқатар сыбайлас жемқорлық тәуекелдері мен қателік орын алғаны да есімізде. Енді жер қойнауын пайдаланушылар мен әлеуетті инвесторларға іргелес инфрақұрылымнан бас­тап, геологиялық және геофизикалық есептерге дейінгі электрондық форматта сұралған учаске туралы толық мәлімет қолжетімді болады.

Платформада қатты пайдалы қазбаларды барлауға және өндіруге өтінімдерді қабылдау, қарау және лицензия беру жұмыстарын жүргізу бас­тал­ды. Бұған қоса онлайн қабыл­даумен бірге, тіпті қағаз түріндегі өтінім­дер де тірке­ле­ді. Осы­лайша, Жер қойнауы және жер қойнауын пай­далану туралы кодексте көзделген «бірінші кел­ген – бірінші алады» қағидаты бойынша жер қойнауын пайдаланушының жер қойнауына қол жеткізу құқығын сақтаудың ашықтығы қамтамасыз етіледі.

Қазіргі таңда жаңа функцияларды әзір­леу мен алдағы мамырда жоспарланған өнер­кә­сіп­­ке енгізуге дайындық пен жер қойнауын пайдаланушыларды оқыту және платформа жұмысын көрсету жүргізіліп жатыр. Бұл ретте әзірлеушілер сервистерді одан әрі да­мы­туда ескерілетін функционалды жақсарту және дамыту жөнінде ұсыныстар жинауды жү­зеге асырады.

Платформаның автоматтандырылған құрал­да­ры табиғатты пайдалану қақтығыстарын бірден көрсетеді. Пайдаланушылардың заң­намаға сәйкес барлау немесе өндіру жұмыс­та­рын жүргізуге рұқсат етілген немесе тыйым салынған учаскелерді бір терезе арқылы қарау­ға және таңдауға мүмкіндігі болады.

Платформаға 30 мың геологиялық есеп жүк­телген. Биыл кем дегенде 24 мың есепті зер­делеу картасын толықтыру жоспарланған. Сон­дай-ақ жер қойнауын пайдаланушылардың лицензиялық-келісімшарттық талаптарының орын­далуын мониторингілеу бойынша жаңа функ­циялар әзірленеді.

Еске сала кетейік, бұған дейін бұл жобаны Мемлекет басшысының тапсырмасы бойынша Экология және табиғи ресурстар министрлігі жүзеге асырған болатын. Кейін жоба Цифрлық даму, инновациялар және аэроғарыш өнеркәсібі министрлігіне берілді.