Айталық, Денсаулық сақтау министрлігі, Астана қаласының тұрғын үй басқармасы және тұрғын үйинспекциясы, «Отбасы Банкі», Өмірлік қиын жағдайда қалған балаларды қолдау орталығы және Астана қаласының балалар үйі өкілдерінің қатысуымен баспанаға мұқтаж адамдар қатары қалыптастырылды. Оған жетім балалар, 1 және 2 топтағы мүгедектігі бар адамдар кірді.
Брейнштормингтің барысында негізгі санатты айқындаумен бірге олардың басымдылығына байланысты өзекті мәселелер де айтылды. Мәселен, жетім балалардың кәмелет жасқа толғаннан кейін жинақталған жәрдемақыны мақсатсыз пайдалану мен заңнамадағы нормаларды өзгерту бойынша ұсыныстар жасалды.
Сонымен қатар респонденттер арнайы онлайн сауалнамадан өтті. Оның нәтижесінде олар ұзақ жыл бойы үй кезегін күтуге мәжбүр екендіктерін, жалған ажырасу фактілерінің болуы мен мүгедектікті тағайындау бойынша проблемалардың бар екендігін жеткізді. Осылайша, аталған санаттағы азаматтарға қолдау көрсетуді жалғастыру үшін реинжиниринг тетігі бойынша кері байланыс жасалды.
Брейнстормингтің қорытындысы бойынша негізгі топқа кіретін адамдарды тұрғын үй кезегіне қою үшін бұл қызметті проактивті форматта көрсету бастамасы көтерілді.
Министрлік жоғарыда айтылған санаттарға кіретін азаматтарды кезекке өтінішінсіз тұрғызу үшін проактивті хабарламаны жолдау мақсатында кезекте тұрғандардың бірыңғай ақпараттық жүйесінен эталондық деректерді автоматты түрде алу үшін қажетті АЖ-мен интеграциялау бөлігінде тиісті жұмыстарды жүргізетін болады.
