Геологтер 2 км тереңдікте 300 тонна, 3 км тереңдікте 1000 тоннадан астам алтын қоры бар 40-тан астам алтын кенін анықтады. Резервтердің құны $83 млрд. Бұл жаһандық көрсеткіштен асып түскен. Геологтер шет аймақтардан тағы да кен орындарының табылуы мүмкін деп отыр. Қытай алтын өндіруден қазірдің өзінде бірінші орында тұр.
Электр энергиясын өндірудің жаңа әдісі
Қытай ғалымдары ауа жылуынан электр энергиясын өндіру үшін суды қажет етпейтін герметикалық гидроэлектрлік элементті әзірледі.
Жаңа технология буландыру үдерісін тұрақтандыру үшін температура өзгерісі мен екі қабатты құрылымды пайдаланады. Гидроэлектрлік элемент сусыз 160 сағатқа дейін жұмыс істей алады. Бұл әдіс тропиктік аймақтарда төтенше жағдай кезінде қолданылуы мүмкін.
Қуатты аккумулятор
Аустралия ғалымдары литий-күкірт аккумуляторларының жаңа түрін жасап шығарды.
Бұл батареялардың энергия тығыздығы 400 Вт·сағ/кг дейін жетеді. Бұл литий-ионды аккумуляторлардан екі есе көп. Олар жеңіл, арзан әрі жылдам қуатталады. Сондай-ақ экологиялық тұрғыдан тиімді, себебі құрамында қымбат кобальт жоқ. Ал катод ретінде кең таралған күкірт пайдаланылған. Монаш университетінің ғалымдары поливинилпирролидон қосу арқылы зарядтау жылдамдығын арттырып, батареяның өнімділігін жақсартқан. Бұл технология авиация мен eVTOL көліктеріне, әсіресе, ұшу мен қону кезінде жоғары қуат қажет болатын жағдайларда қолданылады. Сонымен қатар литий-күкірт батареялар өндіріс шығындарын азайтады.
