Фото: ОКҚ
Р.Зұлхайровтың айтуынша полиция профилактикалық әңгімелесуден бастап қылмыстық жауапкершілікке тартуға дейін барлық алдын алу шараларының кешенін қабылдайды. Алайда, статистика көрсеткендей, жыл сайын полицияға тұрмыстық зорлық-зомбылық туралы шамамен 100 мыңнан астам хабарлама келіп түседі екен.
Еске салайық, әйелдер мен балаларға қатысты зорлық-зомбылық үшін жауапкершілікті күшейтіп, жағдайды түзеу үшін былтыр Мемлекет басшысы әйелдердің құқықтары мен балалардың қауіпсіздігін қамтамасыз ету мәселелері жөніндегі заңға қол қойғаны мәлім.
«2024 жылдың қорытындысы бойынша ел бойынша ұрып-соғу және денсаулыққа жеңіл зиян келтіргені үшін 7 мыңға жуық қылмыстық іс тіркелді, бұған дейін аталған әрекеттерге барғандар әкімшілік жауапкершілікке ғана тартылғаны мәлім. Біз неғұрлым ауыр тұрмыстық қылмыстарды 2,2%-ға, оның ішінде кісі өлтіруді 6,4%-ға, денсаулыққа ауыр зиян келтіруді 25,5%-ға және денсаулыққа орташа ауыр зиян келтіруді 12%-ға төмендетуге қол жеткіздік», деді спикер.
ІІМ елімізде әйелдер мен балаларға қатысты зорлық-зомбылық үшін жауапкершілік күшейтілгенін еске салды. Атап айтқанда:
- кәмелетке толмағанға қатысты зорлық - зомбылыққа байланысты қылмыстар бойынша татуласу мүмкіндігі алынып тасталды;
- жас адамды зорлағаны үшін өмір бойына бас бостандығынан айыру қарастырылған;
- ұрлау және заңсыз бас бостандығынан айыру үшін жауапкершілік күшейтілді;
- 16 жасқа толмаған адамдарға жыныстық сипаттағы қателік жасағаны үшін қылмыстық жауапкершілік енгізілді;
- денсаулыққа қасақана жеңіл зиян келтіріп және ұрып-соққаны үшін қылмыстық жауапкершілікке тартылады.
