Инвестиция • 01 Қараша, 2023
Үкімет инвесторларға жауапкершілікті күшейтеді
Премьер-министр Әлихан Смайыловтың төрағалығымен өткен Үкімет отырысында Қарағандыдағы Костенко атындағы шахтада болған апатқа қатысты жағдай қаралды. Отырыста елдегі азаматтардың шамадан тыс несие алуын төмендету жөніндегі шараларды күшейту мәселелесі де талқыланды. Сондай-ақ туризмді дамыту тақырыбы да күн тәртібіне шықты.
Сұхбат • 31 Қазан, 2023
Марат Қарабаев: Қазақстан тиімді географиялық позицияға ие
Мемлекет басшысы биылғы Жолдауында «Стратегиялық маңызы бар міндеттің бірі – көлік-логистика саласының әлеуетін толық пайдалану» деп атап көрсетті. Сарапшылардың пайымдауынша, бүгінде жер бетінде жаңа экономикалық кеңістік қалыптасып жатыр. Бұл елдер арасындағы логистикалық байланысты нығайтып, тауар тасымалының көлемін еселейді. Экономиканы күшейтеді. Бәсекені арттырады. Тоғыз жолдың торабындағы Қазақстан үшін мұның қандай әсері болмақ? Мұндай зор әлеуетті пайдалану қолымыздан келе ме? Осы тектес сауалдарды Көлік министрі Марат Қарабаевқа қойып көрген едік.
Экономика • 30 Қазан, 2023
Контейнер ағынының 5-8%-ы Қазақстанға тиесілі
Әлемдік алыс-беріс пен сауда-саттық үдерісінде контейнерлік тасымал қарқынды даму үстінде. Бұл лекке Қазақстан да ілесіп келеді. Еуразия кеңістігінің орта тұсына орналасқан байтақ елімізде 11 халықаралық транзиттік дәліз бар. Олар Шығыс пен Батыс қатынасында теңіз жолдарынан 2,5 есе дерлік қысқа. Ел мен елді жалғауда ұтатын тұсымыз – осы.
Экономика • 25 Қазан, 2023
Ел ішіндегі аймақаралық коммуникацияны қамтамасыз ету мақсатында және экспорттық әлеуетін арттыру үшін тәуелсіздік жылдары төрт тарапқа тартылған түрлі бағыттағы жолдар ашылды. Мыңдаған шақырымға созылған автомагистралдар салынды. Қазақстаннан қанат қаққан күміс ұшақтар күймесі шартарапқа тарам-тарам әуе жолдарын ашты. Танапты жарып тыңнан 3 мың шақырымға жуық теміржол желілері тартылды. Су жолдары да жаңғырды. Әсіресе соңғы жылдары құлашын кеңге сермеген Ақтау теңіз сауда порты туралы әңгіме тіпті бөлек. Жалпы, бүгінде Қазақстан аумағы арқылы 11 халықаралық транзиттік дәліз – 5 теміржол, 6 автомобиль дәлізі өтеді.
Экономика • 24 Қазан, 2023
Контейнерлік тасымал табысты ма?
Астанада «Көлік және логистика нарығы» атты V халықаралық конференция аясында «Озық технологиялар және контейнерлік тасымалдау трендтері» тақырыбында сессия өтті. Оған отандық және бірқатар елдің мамандары мен ғалымдары, сондай-ақ салаға қатысты сала басшылары қатысты.
Сараптама • 20 Қазан, 2023
АЭС салынса, оған Балқаштың суы пайдаланылмайды
Әлемдегі дамыған мемлекеттердің қатарына қосылып, экономикасы бақуатты да еңселі ел болуды мақсұт тұтсақ, атом энергиясын бейбіт пайдалану жолында батыл қадам жасағанымыз абзал. Әйтпегенде көрші елдердің қуат көздеріне көгенделіп, энергияға тәуелді күй кеше беретініміз анық. Мұны осы саланың мамандары мен ғалымдары да айтып отыр.
Инфографика • 18 Қазан, 2023
Тұрмыстық зорлық-зомбылықтың жазасы қатаңдатылады
Премьер-министр Әлихан Смайыловтың төрағалығымен өткен Үкімет отырысында халықты жұмыспен қамту шаралары қаралды. Мұнымен қатар тұрмыстық зорлық-зомбылықтың алдын алу мәселесі де отырыстың күн тәртібіне шықты.
Сұхбат • 18 Қазан, 2023
Төлеген АБДУЛЛИН: Автожолдардың бүгіні мен келешегі
Мемлекет басшысы Қасым-Жомарт Кемелұлы халыққа арнаған биылғы Жолдауында республика көлеміндегі және елдерді жалғайтын транзиттік магистралдарға айрықша мән беріп, «Автокөлік жолдарының құрылысы мәселесі шешімін табуға тиіс» деген еді. Оған қоса автожолдар жұмысы үнемі өз бақылауында болатынын да үнемі ескертіп келеді. Негізі Президент бұған дейін де республика экономикасын сауықтырып, өркениетті елдердің алдыңғы сапына ұмтылу үшін автожолдарды, теміржолдарды, әуе және су жолдарының сапасын арттырып, дүниежүзілік талаптарға сай ретке келтірілуін Үкіметке тапсырғаны мәлім. Осы тапсырмаға орай 2029 жылға дейінгі жоба-жоспардың жоралғысы жұрт назарына ұсынылды. Десек те, бұл бағыттағы нақты жұмыстар бұдан бірнеше жыл бұрын басталғаны анық. Қазіргі игі шаралар сол жұмыстардың жалғасы.Расында да, республикадағы арналы бағыттың бірі – автожолдар. Сол себептен Көлік министрлігі Автомобиль жолдары комитетінің төрағасы Төлеген АБДУЛЛИНДі әңгімеге тартқан едік.
Үкімет • 11 Қазан, 2023
Премьер-министр Әлихан Смайыловтың төрағалығымен өткен кешегі Үкімет отырысында Қазақстанның биылғы қаңтар-қыркүйек айларындағы әлеуметтік-экономикалық даму және республикалық бюджеттің атқарылу қорытындылары қаралды. Сондай-ақ отырыста жылыту маусымындағы өрт қауіпсіздігін қамтамасыз ету шаралары да талқыланды. Техникалық және кәсіптік білім беруді дамыту мәселелері де күн тәртібінде болды.
Қазақстан • 10 Қазан, 2023
Еуразияның транзит хабына айналу жолы
Қазақстанның көлік апталығы аясында елордадағы «Hilton Astana» қонақүйінде «Жаңа Жібек жолы» VI халықаралық көлік-логистикалық бизнес-форумы жұмысын бастады. Бизнес-форумда сарапшылар көлік жүйелерінің ынтымақтастығы мен интеграциясы, Орта дәліз бағытын дамыту, сондай-ақ мультимодальды көлік саласындағы жаңа технологиялар һәм инновациялар, жүк тасымалдау тиімділігін арттыру және жеткізуді жақсарту мәселелерін талқылады. Бұл мәселелердің дені Мемлекет басшысы Қасым-Жомарт Тоқаевтың Қазақстан халқына Жолдауында жан-жақты айтылған болатын.
