Сұхбат • 15 Ақпан, 2024
Лара АЛЕЙШО: Қазақ тілінде жаңа ән жазғым келеді
Бұл әнші қыз елімізге ең алғаш рет Димаштың «Ұмытылмас күн» әнін қазақ және ағылшын тілдерінде орындап танымал болды. Португалиялық Лара Алейшо сол кезден бері бірнеше қазақ әніне кавер жасап, тіпті елімізде өткен «Voice оf Nur-Sultan» және «Voice of Turan 2023» фестивальдарына да қатысты. Бүгінде YouTube-та оның орындаған «Дудар-ай», «Таптым-ау сені» әндері көп көрілім жинады. Біз қазақ музыкасына аңсары ауған шетелдік әншіге хабарласып, сұрағымызды қойдық.
Құқық • 14 Ақпан, 2024
Зорлықты тыятын заңнама жетілдіріледі
Жыл сайын елімізде 300-ге жуық адам тұрмыстық зорлық-зомбылықтың құрбанына айналады. Оның ішінде шамамен 80 әйел жанжалқой күйеуінің қолынан қаза табады екен. Құзырлы органдарға күніне 300-дей адамнан тұрмыстық қоқан-лоқыға байланысты көмек сұраған қоңырау түседі. Бұның бәрі бүгінгі қоғамды алаңдатып отырған проблеманың таралу ауқымын аңғартса керек.
Байқау • 13 Ақпан, 2024
Ішкі істер министрлігі «Сұңқар» арнайы жасағының жауынгерлері Дубайда өткен «THE UAE SWAT Challenge» турнирінде бес күн бойы бақ сынасып, тамаша нәтиже көрсетті.
Қоғам • 12 Ақпан, 2024
Қоғамда ажырасу оқиғаларының көбеюімен алимент төлеушілер қатары да артып келеді. «Алимент төлеуге міндеттілер» деген дұрыс шығар. Өйткені міндетті болғанымен, олардың бәрі бірдей «төлеуші» емес. Сондықтан прокуратура қызметкерлері алименттен қашқандарды анықтап, заң аясында күштеп төлеттіруге мәжбүр.
Сұхбат • 11 Ақпан, 2024
Бақытбек Смағұл: Ауған ардагерлеріне ерекше көзқарас қажет
15 ақпанда кеңес әскері шектеулі контингентінің Ауғанстаннан шығарылғанына 35 жыл толады. Ауған тарапының көмек сұрауына байланысты КСРО басшылығының шешімімен 1979-1989 жылдары бұл елге кеңес жауынгерлері жіберіліп тұрды. Солардың қатарында қазақ сарбаздары да сын сағатта антына адалдық танытып, майдан даласында ерліктің үлгісін көрсетті. Осы датаға орай біз Ауған соғысының ардагері, белгілі қоғам қайраткері, «Qazaqstan Ardagerleri» қауымдастығының төрағасы Бақытбек Смағұлды әңгімеге тартқан едік.
Сұхбат • 09 Ақпан, 2024
Әли Әкбар Джоукар: Мәдени және туристік байланыстың әлеуеті зор
Қазақ «Алыстағы ағайыннан жақындағы көршің артық» дейді. Бір қызығы, дәл осы мәндегі мақал парсы халқында да бар екен. Бұл – қай елде, қай заманда болсын тату көршіліктің тұғыры әрдайым биік екенін білдіретін пәлсапа. Иран Ислам Республикасының еліміздегі Төтенше және өкілетті елшісі Әли Әкбар Джоукармен сұхбатымызда да біз екі ел арасындағы достық байланыстар мен ортақ құндылықтар жайын әңгіме арқауына айналдырдық.
Үкімет • 09 Ақпан, 2024
Президент жүктеген міндеттер айрықша назарда
Сенат спикері Мәулен Әшімбаевтың төрағалығымен Палата отырысы өтіп, депутаттар сенатор Ақмарал Әлназарованың өкілеттігін тоқтату туралы мәселені қарады. Сондай-ақ күн тәртібіне шығарылған заңдарды ратификациялап, депутаттық сауалдарын жолдады.
Айбын • 07 Ақпан, 2024
Қорғаныс министрлігінің бітімгершілік операциялар орталығының (KAZCENT) базасында БҰҰ миссиясына қатысу үшін ұлттық бітімгершілік контингенті дайындалды. Өткен жылы сәуірден қыркүйек айына дейін «Бітімгер» оқу полигонында жан-жақты дайындалған 250 әскери қызметші халықаралық миссияны орындауға сақадай сай.
Құқық • 06 Ақпан, 2024
Қыз алып қашу – құқыққа қайшы әрекет
Қыз алып қашу қылмыс па? Бұл сұрақ кейінгі кездері қоғамда жиі қойылатын болып жүр. Бұрын қазақ қоғамында қалыпты болып саналған жағдай заң үстемдігі тұғырына мінген сайын салт емес, құқық бұзушылық ретінде таныла бастады.
Дін • 05 Ақпан, 2024
Елдік құндылықтар: дін, діл, дәстүр
Мемлекет басшысы 3 қаңтарда газетімізге берген сұхбатында: «Біз озық ойлы ұлт ретінде халқымызды ыдырататын емес, біріктіретін жолды таңдап, тек қана алға қарауымыз керек. Жалпыұлттық құндылықтар бәрінен жоғары тұруға тиіс», деді. Халықты біріктіретін, ынтымаққа ұйытатын елдік құндылықтардың бірі – сенім, яғни дін десек, қателеспейміз. Өкінішке қарай, кейінгі кезеңде түрлі күштер дінді қоғамды біріктіру жолына емес, жік салу мақсатына пайдаланды. Оның салдарын біз әлі күнге көріп те келеміз. Осы орайда елдің жанын ауыртқан, зиялыларға қам жегізген діни ала-құлалықтан қалай арыламыз? Елдік құндылықтар – дін мен діл, дәстүр мен білік үйлесімін лайықты кәдеге жаратып, халықтың ынтымағын арттыру үшін не істеу керек? Газет редакциясы ұйымдастырған кезекті дөңгелек үстел осы тақырыпқа арналды.Жиынға «Отандастар» қорының президенті, Төтенше және өкілетті елші Абзал Сапарбекұлы, абайтанушы, ІТ саласы маманы Сұлтан Ыбыраев, ҚМДБ Діни уағыз-насихат бөлімінің меңгерушісі, PhD, күрделі уақытта Атырауда өкіл имам болған Батыржан Мансұров, дінтанушы, философия ғылымдарының кандидаты Кеңшілік Тиышхан, дін саласындағы мемлекеттік саясат сарапшысы Ержан Байбол қатысты. Шараны «Қазақ газеттері» серіктестігінің бас директоры, академик Дихан Қамзабекұлы жүргізді.
