Қазақстан Қытайдан көлік импорттаушы 10 елдің қатарына енді
<p>Қытай автомобиль қауымдастығы (CPCA) 2025 жылғы көлік экспортының нәтижесін жариялады. Жалпы көлемі – 8,32 млн машина экспортталған, оның 3,43 миллионы электромобиль мен гибридті көлік. Қытайдан ең көп автомобиль жеткізген елдердің арасында Мексика (625 187), Ресей (582 738) және Біріккен Араб Әмірліктері (571 937) бар. Ал Қазақстанға былтыр 200 мыңнан астам автокөлік кірген, деп хабарлайды <a href="/" target="_blank" rel="noopener noreferrer">Egemen.kz</a>.</p>
Қытай басылымдарының жазуынша, былтырғы көрсеткіш 2024 жылмен салыстырғанда 30%-ға жоғары. Жаңа энергия көзін (NEV) тұтынатын модельдердің экспорты 70%-ға артқан.
Қазақстан Қытайдан көлік импорттаушы елдердің үздік ондығына енді. CPCA дерегіне сүйенсек, 12 айда елімізге 211 545 машина кірген, оның ішіне дилерлер мен зауыттарға аттанған және жеке импорттаушылар әкелген көліктер түгел кірген сияқты. Себебі техника саны еліміздегі ресми нарықтың көрсеткішіне (234 852) жақын.
Экспорт пен импорт: Бәсекелестік әділ болуы керек
Электромобиль мен гибрид импорттаудан Бельгия көш бастап тұр. Бір жылда бұл ел 284 921 техника алған. Екінші орынға Ұлыбритания (231 181) жайғасты, Мексика (221 027) үштікті түйіндеді.
Қазақстанның түркі елдеріне экспорты 7,6 млрд долларға жетті