Білім • 29 Қараша, 2025
Биылғы оқу жылында Сыр бойындағы мектептерде жаңалық көп. Әсіресе Қазалы ауданындағы Жанқожа батыр атын иеленген №70 орта мектептегі ұстаздар мен шәкірттер үшін ерекше жаңалыққа толы болды. Сыңғыр үні әлемді тербеген күміс көмей әнші, Қазақстанның және КСРО-ның халық әртісі, Қазақстанның Халық қаһарманы Роза Бағланова оқыған республикаға белгілі білім ошағы биыл 105-оқу жылын қарсы алып отыр. Тарихы тереңде жатқан мектепті әр жылдары бірталай азаматтар басқарыпты. Солардың бірі – екінші дүниежүзілік соғыс ардагері Байжігіт Жүсіпов ақсақал еді. Саладағы белгілі маманның жұбайы, Ағарту ісінің үздігі Алмаш Жүсіпова да осы мектепте математика пәнінің мұғалімі болған.
Қоғам • 29 Қараша, 2025
Қазақтың бас ақыны А.Құнанбайұлының 180 жылдығы аясында Абай облысы әкімдігінің қолдауымен өткен «Абай әндері» атты республикалық дәстүрлі әншілер байқауының жеңімпаздары анықталды.
Экономика • 29 Қараша, 2025
Инфрақұрылым игілігі мен экологиялық жауапкершілік
Кейінгі жылдары еліміздің экономика мен экологиялық саясатында жаңа көзқарас қалыптаса бастады. Бұл – мемлекетке артық салмақ салмай, өз табысын өзі тауып, соны қайта халық игілігіне бағыттайтын жаңа модель. Мысалы, бір жағынан ақылы жолдар қозғалысты қауіпсіз әрі сапалы ету арқылы өз-өзін қаржыландыратын жүйеге айналса, екінші жағынан, «Жасыл даму» компаниясы табиғатты қорғау, экологиялық қатерлерді жою әрі өндірістік қалдықтарды қайта өңдеу бағытында ірі жобаларды іске асырып отыр.
Ғалам ғажаптары • 29 Қараша, 2025
Гуанси аймағындағы шекара бекеттеріне «Walker S2» атты өндірістік гуманоид роботтар жұмыс істейтін болады.
Руханият • 29 Қараша, 2025
Туған жердің топырағы мен жусаны
Вашингтоннан 14 шақырым жердегі Мұхаң (М.Мағауин) өзі «Күміс бұлақ» деп атайтын Силвер Сприң (Silver Sprinq) кентіндегі үйі. Едіге ұлы қашаннан бергі сайма-сай сайлап берген жұмақтай екіқабат мекенде ұлы жазушы хал үстінде жатыр. Үй-ішіне ажал көрігі қайғы уытын сыздықтап жая бастапты. Еңсе зілденіп, үнжұрға түскен... Тымырық тылсымның сызатынан қайыр күтерлік үміт сәулесі сезілмейді, тек Мұхаңның әлсіреген жанарынан сескенгендей маңайды басқалы тұрған қараңғылық қаныпезер қараулығын қатайта алмайтындай босаңсыған. Ұзақ ғұмырында жазуға шүйліккен аялы жанары ғана бұғалыққа көнбеген асаудай қабағын ауырлата түскен кеселге көнбей, ерегісе жылтырайды. Жарық дүниенің соңғы сәулесін жанарына өшпестей етіп сіміріп алғысы бар.
