Тағзым • 28 Наурыз, 2025
Хакім Абай «Тегінде, адам баласы адам баласынан ақыл, ғылым, ар, мінез деген нәрселермен озбақ» дейді. Өз ісінде үзеңгілестерінен оқ бойы озық болған тұлғалардың бірі – Бердібек Сапарбаев. Ағамыз аянбай еңбек етіп, маңдай терін сарқып, қызметтік парызын парасатпен пайымдап, «Түн ұйықтамадым, күндіз отырмадым…» деген Тоныкөкше мемлекет ісінде мүдіруді білген жоқ.
Тұлға • 28 Наурыз, 2025
Президент Қасым-Жомарт Тоқаев: «Біз кезінде елге қызмет етудің үздік үлгісін көрсеткен Алаш қайраткерлерінен тағылым аламыз. Олардың мұрасын жастарға және әлемге паш етуіміз керек», деген болатын.
Жансарай • 28 Наурыз, 2025
Қайран қасиетті әжелер-ай...(Эссе)
Қазақ ортасында әжелер бесігі академиясының қасиеті ерекше еді-ау. Оны сөзбен айтып жеткізу мүмкін де емес. Сол әжелердің қаттылау, бірақ жып-жылы алақандарының қызуы біздің ойдан да кетпес. Көзден де жоғалмас. Көңіліміз бен жанымызда ізі қалды ғой. Сол аялы алақан мейірімі бізбен бірге о дүниеге кете барар-ау. Алдыңғы ұрпақ та көшеді, кейінгі ұрпақ та, соларды қуалай көшіп кетіп жатады. Өткенді еске алып, әулетіміздің көне фотоальбомын немерелерімен қосылып ақтару әдетке айналғалы қашан. Бүгінде сол фотоальбомнан, әжемнің суретін көріп ойға баттым. Немерелер бір бөлек абыр-сабыр қозғалыста. Мен тіпті бөлек, телегей тарихқа теңселе түсіп жүре бергенімді аңғармай да қалдым.
Тұлға • 28 Наурыз, 2025
Биыл Семей полигонының кіндігі Дегелеңде туып-өскен, бар саналы ғұмырын қазақ әдебиетінің дамуы мен қалыптасуына арнаған ұстаз, ғалым, жазушы Рымғали Нұрғалидің туғанына – 85 жыл.
Өнер • 28 Наурыз, 2025
Сардаланың сағынышы сынды сазсырнай
Сазсырнай аспабы желдің гуілі, қасқырдың ұлуы болып жер бетіне жетпес бұрын жүзжылдықтар бойы жер астында көміліп жатты. Түркі аспаны астындағы табиғаттың жұмбақ тілі музыкасына жасырылғанын сардаланың сағынышындай болған сазсырнайдың сиқырлы үні арқылы сезінді. Музыканың күшімен жел шақырып, жаңбыр жауғызатын түркі жұртының сазды аспабының қоңыр үні көне Отырар қазылмағанда саусағына ілікпек түгілі тамырын да танымаған күйі кетер еді.
