Ғылым • 26 Шілде, 2025

Отандық ғылымның беделін биіктеткен басқосу

Әлемдегі жаратылыстану, математика, физика ғылымдарының өкіл­дері үшін зор маңызға ие «ISAAC-2025» конгресі мәресіне жетті. Екі жыл­да бір рет болатын, талай мықтының баяндамасы тыңдалатын іргелі іс-шара биыл алғаш рет Орта Азияда, соның ішінде Қазақстанда ұйым­дас­тырылды. Бұл – біздің елімізге, төл ғылымымыз бен жоғары білім сала­сына үлкен мәртебе, сонымен қатар мамандарға халықаралық тәжірибе алма­суға таптырмас алаң. Өйткені мұнда талқыланатын тақырыптар тек теориялық емес, қаржы математикасы, жасанды интеллект, биология, нейрондық желілер сияқты 20-дан аса түрлі ғылыми бағытты қамтиды.

Аймақтар • 26 Шілде, 2025

Абай өңірінен 17 сақ қонысы табылды

Абай облысындағы Қара­тұмсық қорымынан осыдан 2700–2500 жыл бұрын өмір сүрген сақ тайпасына тиесілі жәдігер табылды. Қоныстардың бірінен 37 асық шыққан. Мұндай бірегей кешен ел аумағында бұрын зерттелген сақ дәуіріне тән қоныстарда алғаш рет кездесіп отыр. Тарихтың кені ашылған кешенде сақ­тарға қатысты тың ғы­лыми жаңалық жетерлік.

Теннис • 26 Шілде, 2025

Президент кубогі сарапқа салынады

27 шілде мен 16 тамыз аралығында Астанада Президент кубогі жолындағы жарыстың жалауы он сегізінші мәрте жел­бірейді. Оған әлемнің, еліміздің бірқатар белді теннисшілері қатысады.

Жекпе-жек • 26 Шілде, 2025

Әлібидің жарқын жеңісі

Аса жеңіл салмақтағы қазақтың танымал аралас жекпе-жек шебері Әліби Ыдырыс «The Ultimate Fighter 33» турнирінің тоғызыншы сериясының жартылай финалында күш сынасты.

Сұхбат • 26 Шілде, 2025

Қазақ тазысы: жаһанға танылу жолы

7-10 тамыз күндері Финлян­дия астанасы Хельсинкиде «World Dog Show-2025» бүкіл­әлемдік иттер көрмесі өтеді. Мұнда тұңғыш рет FCI аясында алдын ала мойындалған тұқым ретінде қазақ тазысы ресми түрде таныс­тырылады. Тазы тұқымының пайда болуы мен таралу тарихы, ерекшеліктері, артықшылықтары, бағым-күтімі жан-жақты баяндалады. Көрме төрінде ақшаңқан киіз үй тігіліп, «Қазақ тазысына» арналған стенд, көр­некіліктер қойылады. Тақырыпқа қатысты ақпараттық буклеттер, кәдесыйлар қонақтарға таратылады. Басты мақсат – тұқым­ның халықаралық мәртебесін нығайту, «Kazakh Tazy» брендін кеңінен насихаттау. Тазы – халқымыздың бірегей қазынасы, дала азаматының сенімді серігі, жүйріктігімен, ақылдығымен, сабырлылығымен ерекшеленетін асыл тұқымды ит. Желмен жарысқан жүйрік, шапшаң қозғалып, аңды алыс­тан көріп, ізіне түсіп ұстайтын ілкімді жаратылыс. Түлкі, қоян, қарақұйрық секілді аңдар­ды ұстауға пайдаланылады. Адамға тез бағынады, талап пен сенімнің арасын жақсы ажыратады. Хал­қымыз асылдығын айрықша бағалап, «жеті қазынаның бірі» деп атаған. Батырлар жырында, ертегілер мен аңыздарда тазы бейнесі сомдалған. Бүгінде тазы саны күрт азай­ған. Сондықтан оны асылдандыру, қорғау, көбейту мәселесі күн тәр­тібіне шықты. 2023 жылы қазақы тазы мен төбет ЮНЕСКО-ның материалдық емес мұралар тізімі­не енді. Соның негізінде ар­найы көрмелер мен байқаулар жиі өткізіліп, қоғам назарын аударды. Тазының еліміздегі және жаһандағы тағдыры, таны­малдығы бәрімізге байланыс­ты. Ең бастысы, мемлекеттік көз­­­қарас айқын.