Маусымның 8-інен бастап Air Astana авиа компаниясы жолаушыларды Бішкектен Ыстықкөлге дейін ақы-пұлсыз жеткізіп тұруды өзінің міндетіне алып отыр. Мұны ол Қырғызстан астанасындағы «Манас» әуежайынан Чолпон-Ата қаласындағы аэропортқа дейін апару арқылы жасайды.
Мұндай тегін қызмет әуе компаниясының Астана – Бішкек рейстерімен ұшатын барлық жолаушыларға 8 маусымнан 8 қыркүйекке дейін көрсетіледі. Бұдан әрі Ыстықкөл жағалауына дейін аптасына үш рет апарып-қайтатын тегін автобустар ұйымдастырылады. Жолаушыларды «Манас» аэропортынан әуе компаниясының өкілі күтіп алып, Чолпон-Атаға дейін апаратын автобусқа алып барады.
Қырғызстанда ресми жазғы туристік маусым 7 мамырда ашылған болатын.
Руслан ИГІЛІК