Кең ауқымда талқыланды

Кеше Бішкекте Қазақстан Премьер-Министрі Кәрім Мәсімов ТМД Үкіметтері басшылары кеңесінің кезекті отырысына қатысты. Отырыс қатысушылары сау­да-экономикалық, энергетика, ден­сау­лық сақтау және білім беру сала­ларындағы интеграциялық өзара іс-қи­мылды дамытуға арналған мәсе­­лелердің кең ауқымын талқы­лады. Атап айтқанда, біржақты пішімдегі отырыста делегация басшылары ТМД органдарының 2016 жылға арналған бірыңғай бюд­жетіне өзгерістер енгізу туралы мәселені қарады, деп мәлімдеді Атқарушы комитеттің төрағасы –ТМД Атқарушы хатшысы Сергей Лебедев кеңейтілген құрамдағы отырыс барысында. Күн тәртібінен тыс ТМД Атқа­рушы комитетінің ТМД елдері Мемлекет басшылары кеңесінің Қазақстан Республикасының 2015 жылғы 16 қазандағы ұсыныстары туралы хаттама шешімін жүзеге асыру барысы жайлы мәліметі тыңдалды. «Осы мәселе аясында ТМД қыз­метін жетілдіру туралы өткір және конструктивті пікір алмасу өтті және Кеңеске ТМД ел­дерінің тұрақты өкілетті өкіл­деріне, Экономикалық мәселелер жө­ніндегі комиссияға және ТМД Атқарушы комитетіне біржақ­ты пішімде өткен отырыс барысында айтылған барлық ескер­ту­лерді, пайымдаулар мен пікір­лерді ескертуді тапсыратын хаттама шешімі қабылданды», – деді С.Лебедев. Сондай-ақ, ол бұл мә­селе биылғы жылдың 16 қыр­­күйегінде Бішкекте ТМД Мем­­лекет басшылары кеңесінде қарала­тынын айтты. Кеңесте Достастық елдері­нің түрлі саладағы ынты­мақ­тастығын одан әрі кеңейту және тереңдетуге бағытталған жиырмадан астам құжат жобалары қаралды. ТМД ҮБК-нің келесі отырысы 2016 жылғы 28 қазанда Минскіде өтетін болды, деп хабарлады Қазақстан Премьер-Министрінің баспасөз қызметі.