Сақ дәуірінен сақталған алтын

Археологтар Ақмола өңірінен осындай жәдігер тапты Ақмола облысында құнды жә­дігер табылды. Кеңөткел елді ме­кеніне таяу жерде қазба жұмыстарын жүргізген археологтар сақ кезеңінен қалған тарихи олжаға тап болды. Мәліметтер бойынша, Л.Н.Гу­милев атындағы Еуразия ұлттық университетінің оқытушылары мен студенттері алдымен жас­өс­пірім қыздың сүйегін тапқан. Артынша алтын бұйымдары мен VII ғасырда қыштан жасалған заттары шыққан. – Біз әлі зерттеу жұмыстарын жал­ғастырып жатырмыз. Қо­лыма сирек кездесетін, алтыннан жалатылған түйреуіш түсіп отыр. Оған моншақтары қоса тізбектелген. Осыған байланыс­ты біз қабірді қыз балаға тиесілі деген болжам жасадық, – деді Еуразия ұлттық университетінің аға оқытушысы Серғазы Сәкенов. – Бұл жерде ежелгі темір қоры­тушылар қызмет еткен. Біз көп нәр­сені сол кезең­дегі тұрғындардың салған баспана­ларының көлеміне қа­рап анықтап отырмыз, – деді Павел Кучеров есімді студент. Бақберген АМАЛБЕК, «Егемен Қазақстан» Ақмола облысы