Сұңғақ бойлы адамдар қайда тұрады?

Зерттеушілерге сенсек, дү­ниежүзі елдерінің ішінде ең сұңғақ бойлы жігіттер – Гол­ландияда, ал ең ұзын бойлы нәзік жандылар Латвияда тұрады екен. Латвиялық нәзік жан­дылар­дың бойы орташа есеппен 169,8 сантиметр болса, голландиялық ерлер бойының ұзындығы орташа есеппен 182,5 сантиметрге тең. Ал Шығыс Тимор елінде – ең тапал азаматтар, Гватемалада   ең кішкентай нәзік жандылар тұрады. Олардың бойы шамамен 150-160 сантиметрге тең екен. Бойы 170 сантиметрге жететін қыз-жігіттер бұл жақта сұңғақ бойлы саналатын көрінеді. Зерттеушілер сұңғақ бойлы адамдар көп елдерде халық­тың әлеуметтік жағдайы жақ­сы екенін, бұқаралық спорт дамы­ғанын айтады. Ал күнкөрісі қиын елдердің тұрғындары одан сайын еңкіш тартып, тұтас халықтың бойы шөге түсіпті. Арнұр АСҚАР, «Егемен Қазақстан»