25 мыңыншы көлік шығарылды

2011 жылдың 15 ақпанында қазақстандық «АЗИЯ АВТО» автоқұрастыру зауытының өкілдері  кәсіпорынның 2010 жылғы жұмыс қорытындысын ортаға салды және ағымдағы жылдың келешектегі жобаларын іске асыру жоспарын ашты. 25 мыңыншы көліктің шығу салтанатына облыс әкімінің бірінші орынбасары Серік Әбденов, «Бипэк-Авто», «Азия-Авто» компа­ниясы директорлар кеңесінің төрағасы А. Балушкин, «Азия-Авто» АҚ президенті Ержан Мандиев, зауыт еңбеккерлері қатысты. Кездесуге себеп болған жәйт – зауыт конвейерінен шыққан 25 мыңыншы автомобиль. Ол Қазақстанның ғана жаңа үлгісі емес, дүнижүзілік автоөнеркәсіптің ең жаңа үлгісі болып табылатын – седан Chevrolet Cruze. 2010 жыл «АЗИЯ АВТО» АҚ үшін өндірісті және маркетингті дамытуда алға шығу жылы бол­ды. KIA Motors арқылы зауыт төртінші стратегиялық серіктесін тапты, ал Қазақстанның сатып алушылары ең ірі дүниежүзілік автоконцерннің технологиялық жа­ңа­лықтарына қол жеткізе ал­ды. Өскемен қаласында KIA-ның үш жаңа үлгісін шығару  ынты­мақ­тас­тықтың алғашқы нәтижесі болды. Олар: седан Cerato, төте­ле­гіш Mohave және кроссовер Sorento. Сол кезеңде кәсіпорын конвейерінде «АЗИЯ АВТО»-ның бас­қа серіктесі – General Motors ком­паниясы үлгілерінің тұңғыш көрсе­тілімдері болды. Олар: седан Chevrolet Cruze және Chevrolet Aveo үлгілік модельдері. Жыл аяғында Skoda автомобильдері желісінде Yeti кроссовері және Fabia компакт-каро пайда болды. Үлгілік қатарды екпінді кеңей­­ту, зауыттың рыноктағы позиция­сын нығайтуға серпін беріп, өн­діріс көлемінің елеулі өсуіне әкелді. 2010 жылдың қорытын­дысы бойынша ол төрт мәрте ұлғайды және 3 099 автомобильдер көрсеткішіне жетті, ал «АЗИЯ АВТО»-ның нарықтық үлесі (жаңа жеңіл автомобильдері сегментінде) өткен жылдың төртінші тоқсанында 20% табал­дырығынан асты. Компанияның та­бы­сы қар­жылық көрсеткіштің динамика­лық өсуін қамтамасыз етті. Зауыт­тың өз өнімін сатудағы ақшалай түсімі өткен жылы екі есе өсіп, 7 336,7 млн. теңге межесіне жетті, ал 2009 жылы тіркелген залал орны, 2010 жылдың қоры­тын­дысы бойынша  361,4 млн. теңге мөлшеріндегі таза пайдамен толтырылды. Бұл пайдалы бастаманы біз үдемелі индустриялық-иннова­ция­лық даму бағдарламасы шең­бе­рінде заманауи басқару техно­ло­­гияларын енгізу жөніндегі бағ­дар­ламаға қатысушылар ретінде іске асырамыз, дейді «АЗИЯ АВТО» АҚ басшысы. – Мемлекеттік демеумен біз тағы да бір жобаны іске асыруға кіріспекпіз, ол – жұмыс істеп тұрған өн­дірістің логистикалық инфрақұ­ры­лымын кеңейту, яғни қосымша темір жолдар мен контейнер алаңдары құрылысы. Бұл жос­парларды іске асырсақ, біз құ­растыру кешенінің жалпы шы­ға­рылым өндірімді­лігін қазіргі жыл­да жұмысшыға 188 мыңнан 2013 жылға 307 мың долларға дейін өсі­ре аламыз және біздің логисти­калық жүйе­міз­дің қызмет көрсету мүмкіндігі жы­лына 60 мың автомобиль шығаруға жетеді Қаржыландыру «Бизнестің жол картасы-2020» шеңберінде қам­сыздандырылатын болады. Ман­диев мырза айтқандай, жаңа логистика­лық «қақпаларды» жасау кәсіпорын­ға өндіріс көлемін өсіру мүмкіндігін береді, сөйтіп ағымдағы жылда қосымша 200 жұмыс орнын ашуға талап ететін болады. Жобаны іске асыру қо­рытындысы бойынша кә­сіп­орын штаты 900-1000 қыз­мет­керлерге дейін ұлғаяды. Жыл ерекше өнімді болады. Наурызда біз KIA бренді буыны­ның ең жаңа төрт үлгісін өнді­ріске шығарамыз, деді «АЗИЯ АВТО» АҚ перезиденті. Бұл компакт-кроссовер KIA Soul, паркетті төтелегіш KIA Sportage, бизнес-седан KIA Optima және сали­қалы седан KIA Cadenza. Олар­дың өтімді боларына күмә­німіз жоқ. 2010 жылдың мамыр айын­дағы шығарылымға өзгеріс енгізген осы маркадағы үш үлгі тағ­ды­рына көз салсақ, KIA сол жыл­дың күзінде Қазақстанда ұсы­ныл­­ған шетел брендтері ара­сын­да саты­лым көлемі бойынша үшінші орынға шыққанын көреміз. Өткен жылы Chevrolet Қа­зақстандағы сатылым көлемі бойынша төртінші шетел бренді болды, ал Ресейде шетел мар­калары арасында ең көп сатыл­ған болып танылды.  Бүгінде біз Ресей рыногына жаңа үлгілерді жеткізу жөнінде келіссөздер жүргізіп жатырмыз. Ержан Мандиевтің пікірі бойынша, бұл мәселе қазақ­стандық сатып алушылар үшін 1 шілдеден кейін, яғни жеке тұлғалар үшін автомобильдерді әкелудегі жеңілдік тоқтатыл­ған­да жаңаша сипатқа ие болады. Индустриялық-иннова­ция­лық даму бағдарламасы бойын­ша қазақстандық өндіріс автомобильдерін сатып алушыларға арналған несие жөніндегі па­йыз­­дық салымдарды қаражат­тан­­ды­ру қарастырылған. Бүгін Үкі­мет осы форматтағы авто­несиелер­дің қолжетімді механизмдерін талқылауда. Өйткені,  Кеден ода­ғының тауар енгізу баждары «сэконд-хэндті» сатып алуды тартымсыз қылады. Бі­рақ, жаңа автомобильді сатып алу көбіне­се қолжетімді несиелік қара­жатты талап етеді. Мемлекет оның жетімсіздігін тол­тыра ала­ды және сонымен қатар сала­ның дамуына қажетті импульс бере алады. «АЗИЯ АВТО» басшысы кә­сіпорынның толық кезеңдік зауыт­тың инфрақұрылымын жобалау жөніндегі жұмысын, Шы­ғыс Қа­зақ­стан облысы әкімінің қолдауы­мен берілген алаңда электр және жылумен қамтама­сыз ету көздерін жетілдіру жұ­мыс­тарын жалғасты­рып жат­қанын айтты.  Толық кезеңдік зауытты жасау жобасы респуб­ликалық индустриялан­дыру кар­­тасына енгізілген. Жасалып жат­қан кәсіпорынның жобалық қуат­тылығы бір жылда 120 мың автомобильді құрайды, алдын-ала жасалған болжам бойынша ол еліміздің ішкі жалпы өнімін  1,8 млрд. АҚШ долларына толық­тырып, 12 мың қазақстан­дықты еңбекке орна­лас­тыруға мүмкіндік береді. Оңдасын ЕЛУБАЙ. Сурет автордікі.