Осы күндері Францияның Макон қаласында күрес түрлерінен жастар арасындағы әлем чемпионаты өтіп жатыр. Бұл дода Қазақстан балуандары үшін сәтті басталды.
Чемпионаттың алғашқы күні грек-рим күресінен Тамерлан Шадукаев əлем чемпионы атанды. Ол 74 кило салмақта күш сынасып, финалда Румыния спортшысы Мариэні 6:1 есебімен жеңді. Бұл – Қазақстанның әлем чемпионатындағы 2009 жылдан бергі алтын жүлдесі.
Осыдан кейін Қаһарман Қисметов грек-рим күресінен елімізге тағы бір жүлдені сыйлады. Ол 66 килоға дейінгі салмақ дәрежесінде финалда грузин балуанына ғана есе жіберіп, күміс медальді иеленді.
Сөйтіп, әлемдік додада «классиктер» бір алтын, бір күміс медальмен жарысты аяқтады. Ендігі кезек – бойжеткендерде. Одан кейін кілемге еркін күрес балуандары шығады.
Дастан КЕНЖАЛИН,
«Егемен Қазақстан»