Ерекше маңызды сапар

Кеше кешке жақын Қазақстан Рес­пуб­ликасының Президенті Нұр­сұлтан Назарбаев мемлекеттік сапармен Қы­тай Халық Республикасының астанасы Пекин қаласына келді. Елбасы бас­та­ған қазақстандық делегация құрамын­да Мемлекеттік хат­шы – Сыртқы істер министрі Қанат Саудабаев, Премьер-Министрдің бірінші орынбасары Өмір­зақ Шөкеев, «Самұрық-Қазына» ұлт­тық әл-ауқат қорының басқарма төр­аға­сы Қайрат Келімбетов, Қазақстан Республикасы Президентінің халық­ара­лық мәсе­лелер жөніндегі кө­мек­шісі Нұрлан Ермекбаев, Қазақ­стан­ның Қы­тай Халық Республика­сын­дағы елшісі Икрам Адырбеков, Бас прокурор Қай­рат Мәми, Ұлттық қауіп­сіздік коми­те­ті­нің төрағасы Нұр­тай Әбі­қаев, Қа­зақ­стан­ Респуб­ли­касы Пре­зи­дентінің эко­номика мә­селелері жөніндегі көмек­шісі Бақыт Сұл­танов, Қорғаныс министрі Әділ­бек Жақсыбеков, Қоршаған ортаны қорғау министрі Нұрғали Әші­мов, Парламент Сенаты Халықаралық қа­тынастар, қорғаныс және қауіп­сіздік комитетінің төрағасы Қуа­ныш Сұл­танов, Парламент Мә­жілісінің де­путаты, академик  Кен­же­ға­ли Са­ға­диев бар.

Пекин әуежайына келіп қонған ұшақтан Елбасын Қытай Халық Рес­публикасының Сыртқы істер министрі Ян Цзечи бастаған осы елдің бірқатар лауазымды тұлғалары қарсы алды. Жайылған кілемді жағалай Құрметті қарауыл сапқа тұрды. Осы күні Елбасы өзі түскен Қы­тайдың мемлекеттік «Дяоюйпай» рези­денциясында Ху Цзиньтаомен бейресми кездесті. Оған екі жақтан бір­қатар лауа­зымды тұлғалар қатысты. Кездесуден кейін Қытай Халық Респуб­ли­касының Төрағасы Ху Цзиньтао Қазақстан Рес­пуб­ликасының Президенті Нұрсұлтан Назарбаевқа кешкі қонақасы берді. Қытай жағы Елбасының бұл сапа­рына ерекше мән беруде. Мемлекеттік сапардың ресми бөлігі бүгін басталады.

Сұңғат ӘЛІПБАЙ – Пекиннен.

Суреттерді түсіргендер С.БОНДАРЕНКО, Б.ОТАРБАЕВ.