Қазақстандағы ең төмен күнкөріс деңгейі Жамбыл облысында (20 581 теңге) тіркелді. Бұл туралы Қазақпарат ranking.kz-ке сілтеме жасап хабарлады.
Есептегі мәліметтерге сәйкес, ең төмен күнкөрістің жоғары деңгейі Маңғыстау облысында (28 785 теңге) 2015 жылдың соңына қарай 117% өскені байқалады. Одан кейінгі орында ең төменгі күнкөріс деңгейі 27 435 және 25 858 теңге болатын Астана мен Алматы тұр, 2015 жылдың соңына қарай, Астанадағы өсу индексі +121,4% болған. Шығыс Қазақстан, Атырау және Алматы облыстарындағы төменгі күнкөрістің орташа деңгейі анықталған (23 422 теңге).
Ең жоғарғы өсу индексі - Солтүстік Қазақстан облысы (+122,3%).
Шілде айында Қазақстандағы ең төменгі күнкөріс көлемі 23 191 теңгені құрады.
2016 жылдың қыркүйек айында Қазақстандағы тұтыну бағаларының индексі өткен жылғы қыркүйекпен салыстырғанда 116,6% болған.
Жыл басынан бері бұл көрсеткіш тұрақты өсім көрсетіп тұр. Ең жоғарғы баға өсімі азық-түлікке жатпайтын тауарлар санатында байқалады - 6,8%, азық-түлік тауарлары 4,9% қымбаттаған, тұтыну тауарлары - 5,6%, ақылы қызметтер - 5,3%.
2015-2016 жылдар динамикасына сәйкес, азық-түлік себетінің үлесі 60%-ды құрайды, азық-түлікке жатпайтын тауарлар мен ақылы қызметтерге 40% келеді. Ең төменгі күнкөріс деңгейінің өсу серпінін де атап өткен жөн: 2016 жылы қыркүйек айының соңында 2015 жылдың осы кезеңімен салыстырғанда 12%-ға өскен. Ең төменгі күнкөріс деңгейі 19 800 теңге болған 2015 жылдың соңында да дәл осындай өсім тіркелген. Бұл 2016 жылдың алғашқы жартысындағы ең жоғарғы көрсеткіш, себебі 2015 жылдың қорытындысы бойынша, қаңтар-мамыр айларындағы өсім 2-4% шамасында ғана болған еді.