"Талибан" қозғалысының содырлары Ауғанстанның вице-президенті генерал Абдул-Рашид Дустумды жарақаттады, деп хабарлайды Khaama Press агенттігі.
Дустум өткен аптада талибтер басып алған Гормач ауданында қауіпсіздік қызметінің жасағына ілесіп келе жатқанда, елдің солтүстік-батысында Фарьяб провинциясында торуылға түсті. Ауғанстан премьер-министрі Абдулла Абдулла вице-президенттің жеңіл жарақаттанғанын растап, оның денсаулығына еш қауіп жоқтығын айтты.
Түріктің Anadolu агенттігі жасаққа шабуыл кезінде ауғандық 15 әскер қаза тауып, 20-сы жарақаттанғанын хабарлады.