2017 жылы Астананың тағы 24 көшесіне автобус жолақтары енгізіледі, деп хабарлады елорда әкімдігінің баспасөз қызметі. Олардың жалпы ұзақтығы 64,7 километрді қамтиды. Бұл қоғамдық көліктер қозғалысының жылдамдығын арттырады деп күтілуде. Автобус жолақтары енгізілетін көшелер тізімін төмендегі кестеден көруге болады.
Сонымен қатар Астана әкімдігінің хабарлауынша, қала автобустары жаңартылады. Осы жылдың мамыр айында елордаға 380 жаңа автобус жеткізілмек.