Бүгін Жапонияның Саппоро қаласында VІІІ қысқы Азия ойындарының салтанатты ашылу рәсімі өтті, деп хабарлайды ҚазАқпарат
Ресми түрде ашылған Ақ Азиада ойындарының шеруінде Қазақстан туын шаңғы жарысынан бес дүркін Қазақстан чемпионы Ердос Ахмадиев ұстап шықты.
Еске сала кетейік, VIII қысқы Азия ойындары Жапонияның Саппоро қаласында 26 ақпанға дейін жалғасады. Жарыста 31 елдің спортшылары 11 спорт түрінен 64 медаль жиынтығын сарапқа салады. Дүбірлі додада Қазақстанның намысын қорғауға 153 спортшы барды.