Бас құжаттағы басымдықтар экономика үшін маңызды

Кеше Астана қаласында Ұлттық экономика министрлігі мен Экономикалық зерттеулер институтының ұйымдастыруымен дөңгелек үстел отырысы өтті. Президент Нұрсұлтан Назарбаевтың биылғы Қазақ­стан халқына Жолдауын қол­дап, насихаттауға арналған шара­да институттың басқарма төр­­ағасы Сержан Мәдиев сөз сөй­леді. Ол бас құжаттағы басым бағыттарды атап, бұл ел дамуы­ның жол картасы екенін әңгімеледі. Басқосуда институт жанын­­­­дағы сараптамалық зерт­­теулер ор­талығының директоры Са­ра Алпысбаева мекеме сарап­шы­ларының 2017 жылғы экономика өсі­мі­не қатысты болжам­дары Үкі­меттің жасаған бол­жам­дары­нан жоғары болып шыққа­нын мәлімдеді. «Біз­дің жоба­лауымызша, Қа­­зақстан­ның тұрақты әлеу­меттік-эко­номикалық дамуы үшін қатерлер төмен­деді. Биыл­ғы ел экономика­сына сала­дағы белсенділік, xалық кірі­сінің артуы, сонымен қатар, кен өнеркәсібі­нің өсуі қолдау жасайды. Институт ма­ман­дары ағым­дағы жылы еліміз­дің эко­номикалық өсімі 2,7 пайыз болады деп жоспарлау­да», деді ол. Ұлттық экономи­ка ми­нистрлігі ішкі жалпы өнім­­нің болжамды деңгейін 1,9 пайыздан 2,5 пайызға дейін көтергені есімізде. Сара Ал­пыс­­баеваның айтуынша, Қазақ­стан үшін ең төменгі бол­­жам­дарды Дүниежүзілік банк жария еткен – небәрі 2,2 пайыз. «Шикізат экспорттаушы мемлекеттерде, соның ішінде Қазақстанда, біз өсім бола­тынын болжап отырмыз. Деген­мен, ол біздің бір­шама тұрақты екенімізді білдірмейді. Модель одан өзгермейді. Біз шикізатқа тәуел­ді болып қалудамыз. Ме­нің­ше, Президент өзінің Жол­­дау­ын­да атап өткен үрдіс­­тер эко­номика үшін өте маңыз­ды, әсі­ресе институттық өзгеріс­­тер­дің орны ерекше», деді өз кезегінде Дүниежүзілік банк­тің Қазақстандағы аға эконо­мисі Ілияс Сәрсенов. Асхат РАЙҚҰЛ «Егемен Қазақстан»