Батыс Қазақстан облысының денсаулық сақтау саласы мекемелеріне биыл 100 «Жедел жәрдем» көлігі сатып алынады. Бұл жөнінде облыс әкімі Алтай Көлгінов есептік кездесуде мәлім етті.
2017 жылы өңірде 750,5 млн теңге қаржы жұмсалып, 20 нысан күрделі жөндеуден өтпек. Орал қаласында жаңа, №7 емхана ашылады. Ақжайық, Бөрлі, Зеленов аудандарында электронды кезек жүйесі енгізіледі. Бүгінде 36 денсаулық сақтау мекемесінде медициналық ақпараттық жүйелер және бірыңғай Call-орталық жұмыс істеп тұр.
Өткен жылы БҚО-да денсаулық сақтау саласына 56 көлік берілген.
Қазбек ҚҰТТЫМҰРАТҰЛЫ,
«Егемен Қазақстан»
ОРАЛ