Америкалық боксшы кіші Рой Джонс мансабын биыл аяқтауды жоспарлап отыр. Бұл туралы Boxingscene.com хабарлады.
«Меніңше, бұл шаршы алаңдағы соңғы айқасым. Осы жасқа келгенде қай кездесуің соңғы болатынын білмейді екенсің», – деді 48 жастағы боксшы.
Айта кетейік, бірнеше күн бұрын АҚШ-тың Дэлавер штатындағы Уилмингтон қаласында Бобби Ганды техникалық нокаутпен ұтып, WBF нұсқасы бойынша әлем чемпионы атанған.
Кәсіпқой бокстағы алғашқы жекпе-жегін 1989 жылы 6 мамырда өткізген ол бүгінге дейін 74 мәрте рингке шыққан. Оның 65-ін жеңіспен аяқтаса (47 нокаут), 9 ұрысында есе жіберген.