Австралияның Мельбурн қаласындағы Эссендон әуежайына жақын маңдағы сауда орталығына ұшақ құлап, 5 адам қаза тапты, деп хабарлайды heraldsun.com. Құтқарушылар апат кесірінен шыққан өртті сөндіру жұмыстарымен айналысып жатыр. Ал қаза тапқандардың аты-жөндері мен олардың қай елдің азаматтары екені әлі белгісіз.
Алдын ала мәліметтер бойынша ұшақ медициналық мекемеге тиесілі болуы мүмкін. Кейбір бұқаралық ақпарат құралдары ұшақтағылардың төртеуі турист деген болжам жасауда. Тергеу жұмыстары жалғасып жатыр.