Астанада Қазақ күресінің халықаралық федерациясын құру шешімі қабылданды, деп хабарлайды vesti.kz тілшісі.
Бүгін, 21 ақпанда ұйым құрылтайшыларының конгрессі өтті. Бұл жиынға 35 елдің делегаттары қатысты, олардың арасында Гана, Куба, Жаңа Зеландия, Сербия, Уругвай секілді мемлекеттер бар. Отырыс кезінде құрылып жатқан Қазақ күресі халықаралық федерациясының басшылығы таңдалды және алдағы төрт жылға жұмыс жоспары мен жарғысы бекітілді.
Халықаралық федерация президенті болып Энергетика министрі Қанат Бозымбаев тағайындалды. Белгілі палуандар Жақсылық Үшкемпіров және Дәулет Тұрлыханов вице-президент болды.