Қазақстан Республикасы Президентінің Жарлығы
Қ.Б.Саудабаевты Қазақстан Республикасының Мемлекеттік хатшысы қызметіне тағайындау туралы
Қанат Бекмырзаұлы Саудабаев Қазақстан Республикасының Мемлекеттік хатшысы болып тағайындалсын.
Қазақстан Республикасының Президенті Н.НАЗАРБАЕВ.
Астана, Ақорда, 2011 жылғы сәуірдің 12-сі. №28
__________________________________________
Қазақстан Республикасы Президентінің Жарлығы
Б.С.Камалиевті Қазақстан Республикасының Көлік және коммуникация министрі қызметіне тағайындау туралы
Берік Сайлауұлы Камалиев Қазақстан Республикасының Көлік және коммуникация министрі болып тағайындалсын.
Қазақстан Республикасының Президенті Н. НАЗАРБАЕВ.
Астана, Ақорда, 2011 жылғы сәуірдің 12-сі. №14
__________________________
Берік Сайлауұлы КАМАЛИЕВ
1960 жылы туған. Қарағанды политехникалық институтын, Қарағанды мемлекеттік университетін, Ресей Федерациясы Президентінің жанындағы Ресей мемлекеттік қызмет академиясын бітірген, мамандығы бойынша – құрылысшы инженер, экономист, мемлекеттік және муниципалды басқару менеджері, экономика ғылымдарының кандидаты.
Еңбек жолын әскери бөлімшенің құрылыс-құрастыру учаскесінің прорабы болып бастады. Қарағанды облысының мемлекеттік басқару органдарында басшы лауазымдарда қызмет атқарды. «Самал» сауда орталығы» ТОО бас директоры, директорлар кеңесінің төрағасы, Қарағанды облыстық автомобиль жолдары басқармасының бастығы болып жұмыс істеді. Республика Премьер-Министрінің кеңесшісі, Көлік және коммуникация министрлігі Көлік инфрақұрылымын дамыту комитетінің төрағасы, Қарағанды облысы әкімінің орынбасары, кейіннен әкімнің бірінші орынбасары қызметтеріне тағайындалды. «Сарыарқа» әлеуметтік-кәсіпкерлік корпорациясы» ұлттық компаниясының басқарма төрағасы болды.
2010 жылғы наурыздан – Қазақстан Республикасы Индустрия және жаңа технологиялар вице-министрі.
__________________________________________
Қазақстан Республикасы Президентінің Жарлығы
Қ.Н.Қасымовты Қазақстан Республикасының Ішкі істер министрі қызметіне тағайындау туралы
Қалмұханбет Нұрмұханбетұлы Қасымов Қазақстан Республикасының Ішкі істер министрі болып тағайындалсын.
Қазақстан Республикасының Президенті Н. НАЗАРБАЕВ.
Астана, Ақорда, 2011 жылғы сәуірдің 12-сі. №26
_____________________________________
Қалмұханбет Нұрмұханбетұлы ҚАСЫМОВ
1957 жылы туған. С.М.Киров атындағы Қазақ мемлекеттік университетін бітірген, мамандығы бойынша – заңгер. Полиция генерал-майоры атағы бар.
Университетті бітіргеннен кейін Алматы облысының ішкі істер органдарында жұмыс істеп, тергеушіден облыстық ішкі істер басқармасы бастығының бірінші орынбасарына дейінгі жолдан өтті. Республика ішкі істер министрлігінің Криминалдық полиция департаментінің бастығы, Алматы қаласы ішкі істер бас басқармасының бастығы және Алматы облысы ішкі істер департаментінің бастығы қызметтерін атқарды. Қазақстан Республикасы Ішкі істер вице-министрі, бірінші вице-министрі қызметтеріне тағайындалды.
2009 жылғы қыркүйектен – Шығыс Қазақстан облыстық ішкі істер департаментінің бастығы.
ТАҒАЙЫНДАУЛАР
Мемлекет басшысының Жарлықтарымен:
Әділбек Рыскелдіұлы Жақсыбеков Қазақстан Республикасының Қорғаныс министрі қызметіне;
Асқар Қуанышұлы Жұмағалиев Қазақстан Республикасының Байланыс және ақпарат министрі қызметіне;
Бақытжан Тұрсынұлы Жұмағұлов Қазақстан Республикасының Білім және ғылым министрі қызметіне;
Салидат Зекенқызы Қайырбекова Қазақстан Республикасының Денсаулық сақтау министрі қызметіне;
Гүлшара Наушақызы Әбдіқалықова Қазақстан Республикасының Еңбек және халықты әлеуметтік қорғау министрі қызметіне;
Болат Бидахметұлы Жәмішев Қазақстан Республикасының Қаржы министрі қызметіне;
Нұрғали Сәдуақасұлы Әшім Қазақстан Республикасының Қоршаған ортаны қорғау министрі қызметіне;
Мұхтар Абрарұлы Құл-Мұхаммед Қазақстан Республикасының Мәдениет министрі қызметіне;
Сауат Мұхаметбайұлы Мыңбаев Қазақстан Республикасының Мұнай және газ министрі қызметіне;
Владимир Карпович Божко Қазақстан Республикасының Төтенше жағдайлар министрі қызметіне тағайындалды.
* * *
Мемлекет басшысының Жарлықтарымен:
Иманғали Нұрғалиұлы Тасмағамбетов Астана қаласының әкімі қызметіне;
Сергей Александрович Дьяченко Ақмола облысының әкімі қызметіне;
Серік Нығметұлы Ахметов Қарағанды облысының әкімі қызметіне;
Сергей Витальевич Кулагин Қостанай облысының әкімі қызметіне;
Болатбек Баянұлы Қуандықов Қызылорда облысының әкімі қызметіне;
Серік Сұлтанғазыұлы Біләлов Солтүстік Қазақстан облысының әкімі қызметіне тағайындалды.
Бердібек Мәшбекұлы Сапарбаев Шығыс Қазақстан облысының әкімі қызметіне;
Бақытжан Әбдірұлы Сағынтаев Павлодар облысының әкімі қызметіне тағайындалды.
__________________________________________
Қазақстан Республикасы Президентінің Жарлығы
Қазақстан Республикасының қаржы нарығын мемлекеттік реттеу жүйесін әрі қарай жетілдіру туралы
Қазақстан Республикасы Конституциясының 44-бабының 5) тармақшасына сәйкес қаулы етемін:
1. Қазақстан Республикасының Алматы қаласындағы өңірлік қаржы орталығының қызметін реттеу агенттігі мен Қазақстан Республикасының Қаржы нарығын және қаржы ұйымдарын реттеу мен қадағалау агенттігі (бұдан әрі – агенттіктер) олардың функциялары мен өкілеттіктерінің Қазақстан Республикасының Ұлттық Банкіне берілуімен таратылсын.
2. Қазақстан Республикасының Ұлттық Банкі таратылатын агенттіктердің міндеттемелері бойынша құқықты иеленуші болып анықталсын.
3. Қазақстан Республикасының Үкіметі және Қазақстан Республикасының Ұлттық Банкі осы Жарлықты іске асыру бойынша шараларды қабылдасын.
4. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
5. Осы Жарлық қол қойылған күнінен бастап қолданысқа енгізіледі.
Қазақстан Республикасының Президенті Н. НАЗАРБАЕВ.
Астана, Ақорда, 2011 жылғы сәуірдің 12-і. № 25