Кеше, яғни 1 мамыр мерекесі қарсаңында Шығыс Қазақстан облыстық мәслихатының кезектен тыс сессиясы болып өтті. Онда облыстық мәслихаттың хатшысы В.Ахаев, халық қалаулыларына Батыс Қазақстан облысындағы тасқын судан зардап шеккен ағайындарға көмек көрсету жөнінде ұсыныс берді. Мәслихат депутаттары кендіалтайлықтар өткен жылы тасқын судан зардап шеккен кезде еліміздің барлық облыстарынан қаржылай көмек келгенін айтып, сын сәтте үнсіз қалудың жөн еместігін көлденең тартты.
Сонымен, мәслихат сессиясы шешімімен облыс оралдықтарға 100 миллион теңге қаржы аударатын болды. Міне, мұны нағыз ел бірлігі мен тұтастығының жарқын мысалы деп қабылдаған жөн.
Оңдасын ЕЛУБАЙ.
Өскемен.