Парламент Сенатының Төрағасы Қайрат Мәмидің Өкімімен Парламент Сенаты Аппаратының басшысы болып Талғат Сәрсенбаев тағайындалды, деп хабарлады осы палатаның баспасөз қызметі.
Т.Сәрсенбаев КСРО ІІМ-нің Қарағанды жоғары милиция мектебін бітіргеннен кейін құқық қорғау органдарында, жоғары оқу орындарында жұмыс істеді, Президент Әкімшілігінде түрлі лауазымды қызметтер атқарды. Парламент Сенаты Аппараты басшысының орынбасары, Қазақстан Республикасының Ресей Федерациясындағы елшілігінде кеңесші болды. Заң ғылымдарының докторы, профессор.