Батыс Қазақстан облысындағы су тасқынына қатысты орын алып отырған төтенше жағдай барлық отандастарымызды алаңдатуда. Осыған орай «Астана медицина университеті» акционерлік қоғамы қызметкерлерінің жалпы жиналысында Батыс Қазақстандағы зардап шеккен отандастарымызға университет қызметкерлерінің бір күндік жалақысын көмек ретінде аудару туралы бірауыздан шешім қабылданды. Сонымен, көлемі 3 млн 900 мың теңгені құрайтын жиналған қаражат зардап шеккендер қажеттіліктерін өтеу үшін Орал қаласындағы ресми шотқа аударылды.
«Егемен-ақпарат».