Кеше Ақорда Резиденциясында Президенттің көмекшісі – Қауіпсіздік Кеңесінің хатшысы Марат Тәжиннің төрағалығымен Қауіпсіздік Кеңесінің ұлттық қауіпсіздік стратегиясы мәселелері жөніндегі ведомствоаралық комиссияның кезекті отырысы өткізілді.
Діни саладағы ағымдағы ахуал мен діни экстремизмге қарсы іс-қимыл шаралары бойынша кейбір мемлекеттік органдардың басшылары баяндама жасады.
Комиссия отырысында Қазақстанның зайырлы мемлекет ретінде конституциялық нормаларды сақтаудың, сондай-ақ заңға қайшы келетін және елдің қауіпсіздігіне залал келтіретін іс-қимылдарды болдырмаудың маңыздылығы атап өтілді.