Кенді Алтайдың жүрегі – Өскемен бүгінде сәулеттене, көркейе түсті. Қазір көшелерге күрделі жөндеу жүргізіліп жатыр. Тамыз айында облыс орталығында екі бірдей айтулы оқиға болмақ. «Алтай – түркі әлемінің алтын бесігі» атты халықаралық фестиваль мен халықаралық ақындар мүшайрасы екінші рет дүркіреп өтпек. Оның бас жүлдесі 1 миллион 200 мың теңге, барлығы алты миллионнан астам теңге бөлінген. Сондай-ақ, қыркүйек айының алғашқы онкүндігінде Астанада Шығыс Қазақстан облысының мәдени күндері өтпек.
Облыс әкімі Бердібек Сапарбаев таяуда өткен ақпарат құралдары өкілдерінің мерекесінде осы жөнінде айта келіп, биыл аманшылық болса, Өскеменде жаңа қазақ театры және мәдениет, өнер, спорт саласы қызметкерлері үшін жатақхана салынатынынан хабардар етті.
Оңдасын ЕЛУБАЙ.
Шығыс Қазақстан облысы.