Йеменнің Аден қаласында болған жарылыстан кемінде 20 әскери адам қайтыс болған. Бұл туралы Франс Пресс агенттігіне сілтеме жасап, РИА НОВОСТИ хабарлады.
Агенттіктің мәліметтері бойынша, жарылысты жанкешті-содыр жүзеге асырған. Әзірге қайғылы оқиғаға қатысты өзге мәліметтер жария етілмей отыр. Бір апта бұрын Аден қаласының маңындағы әскери лагерьде ұйымдастырылған терактінің салдарынан 50-ге жуық адам қаза тапқан болатын.