Бірінші орта салмақта өнер көрсететін қазақстандық боксшы Қанат Ислам (22-0, 18 КО) Бүкіләлемдік бокс ұйымының (WBO) рейтингінде бір орынға көтерілді. Бұл туралы vesti.kz хабарлады.
Ол соңғы кездесуін 29 қазан күні Алматы қаласында ганалық Патрик Аллотейге қарсы өткізген. 12 раундқа созылған жекпе-жекте қазақстандық былғары қолғап шебері төрешілердің шешімімен жеңіске жеткен болатын.
Жаңартылған тізімде ол бесінші орынға жайғасты. Ал бірінші орында – мексикалық Сауль «Канело» Альварес.
Қазақстандық боксшы келесі ұрысын 2017 жылдың қаңтар айында АҚШ-та өткізуі мүмкін.